Special mithaai ya khana hota toh meh apne hisse ka sabse pehle khaa jaata,
Mere dusri baar vaapis maangte hi pata nai Maa ke plate se mere plate meh apne aap kaise aajata.
Kapde kharidkar diye, kyuki mujhe naye kapde pehenne hai janmadin par, aaisa mera kehna tha,
Pata nai kyu, paapa ne apne hi janmadin par saalo puraana shirt pehna tha.
Khudki zaroorat se zyaada unke liye mere shaauk pehle aate hai,
Pata nai aaise maa - baap , kaunsi duniya se aate hai.
Hamare gham ko khudka gham bana lete hai,
Par Khudke zakham ko achi tarah se chupa lete hai.
Hamari khushiyon meh khudke gham bhul jaate hai,
Apne zakham par hamari khushiyon ka marham laga dete hai,
Pata nai aaise maa-baap kaunsi duniya se aate hai.
Pura din ghar ka kaam karke Maa thak jaati hai,
"Mummy bhuk lagi hai", ye sunte hi kitchen meh roti bann jaati hai.
Pura din kaam karke papa thake hue ghar aate hai,
Mera udaas muh dekhar bolte hai, "chalo kahi baahar ghoom aate hai."
Khud iss badi si duniya meh rehkar bhi parivaar ko apni duniya bana lete hai,
Pata nai aaise maa-baap kaunsi duniya se aate hai.-
Hamari ladaai meh naa jeet hui mohabbat ki,
Aur naa jeet hui dosti ki,
Naa unki jeet hui,
Aur naa hi meri jeet hui,
Unke jeetne par meh haar chuka tha,
Unki haar se meh haar chuka tha.
Meri jeet meh unki haar thi,
Par unki haar meh meri mohabbat ki jeet thi.
Na mujhe mohabbat gawaani thi,
Aur naa hi unko dosti,
Voh dosti nibhaate nibhaate , meri mohabbat gawa chuke,
Maine mohabbat ko paane ke chakkar meh dosti gawa di.
Na jeet hui dosti ki aur naa hi hui mohabbat ki,
Haar gaye dono bhi,
Aur bann gaye ajnabee.-
Pariksha samaapt hote hote,
Pariksha diye rote rote,
Pariksha ke ankk khote khote,
Pariksha ke baad sote sote,
Zindagi ke baare meh sochte sochte,
Thoda waqt tanaav se bachte bachte,
Zindagi jeena shuru kiye haste haste,
Khushiyon ke raah par chalte chalte,
Pariksha fir aajaati hai daudte daudte.-
Ek hota hai Girgit,
Jo kisi bhi rang meh rang jaata hai.
Prakriti khoobsurat hoti hai,
Toh khud usme rang jaata hai.
Aur dusra hota hai Indradhanush,
Swayam rangeen hote hue itna khoobsurat hai,
Khud toh anjaan hai apni khoobsurti se,
Par apne rango se aasmaan ko rang deta hai.-
Kuch saalo baad usne message kiya,
Kehti hai, "ab bas!!! bahot ladd liya."
Uske ye message ne mujhe sochne pe majboor kiya,
Ki itne saalo baad usne U turn kyu liya.
Mere dil ki toh vahi maalkin thi,
Par maano jaise uske dil meh mere naam ka bas ek khaata tha.
Usse puchna toh chaahta tha,
Par use bhi toh chaahta tha.
Fir bhi maine himmat karke pucha,
Ki itne saalo baad mujhse baat karneka kaise suja.
Usne padha ye sawaal,
Meh uske reply ke liye ho raha tha behaal.
Aur aaisehi kuch baate uske muh se sunne ke liye mere kaan taras gaye,
Voh dosti jisme koi bhi baate laakh chupaane par chupti nai thi,
Aaj saamne vaale ki khaamoshi par,
Voh sawaal dil meh chubhne lage hai.-
Waqt waqt ki baat hai,
Na piche ,na aage, waqt toh chalta hamare saath hai.
Ek pal khushi toh agle hi pal gham,
Khushiyaan aane par aaisa lagta hai ki tham jaaye ye pal.
Khushiyon vaale pal,
Beet jaate hai bahot jald,
Gham vaale pal,
Yaad dila dete hai ache pal,
Beet jaaenge gham vaale pal,
Kyunki hume pata hai, aane vaala kal,
Fir leke aaega khushiyon vaale pal.-
Hum toh likh dete hai jo mann meh aata hai,
Bas keh nai paate jo dil meh hota hai.
Jis din dil, apni baat mann tak pahocha dega,
Uss din hum dil ki baat ,mann se hote hue, apne zubaan pe le hi aaenge,
Par fir bhi hum keh nai paaenge,
Kyuki hum likh dete hai jo mann meh aata hai.-
Kuch dino baad socha,
Firse whatsapp check karu,
Uske online aane ka wait karu.
Socha, aaj toh message kar hi deta hu,
Thoda sa daat khaa hi leta hu.
Message meh bahot taana maara,
Gussa nikaal diya tha saara.
Socha jagadne ke bahaane thodi si ho jaaye baate,
Fir usko manakar shaayad firse jud jaaye naate.
Uske online aate hi message send kar diya,
Message bhejte hi usne read kar liya.
Par message ka reply nai aaya toh dil thum sa gaya,
Uska jawaab nai aaya,
Pata nai usko kya ho gaya.
Aur aaisehi kuch baate uske muh se sunne ke liye mere kaan taras gaye,
Voh dosti jisme ek pal durr rehne nai hota tha,
Aaj saamne vaale ke chupp rehne par,
Bina baat kiye baras ho gaye.-
Whatsapp pe usko online dekhte hi ,
Maine typing shuru kiya.
Mujhe online dekhte hi usne typing shuru kiya.
Voh likh rahi hai ye dekh ke maine meeta diya pura message,
Meh likh raha hu ye dekh ke usne meeta diya pura message,
Kuch pal baad jab laga ki message nai aaega,
Toh dono ne fir se likhna shuru kar diya.
Bhejne se pehle dono ek dusre ka message ka intezaar karne lage,
Par message nai aaya toh vaapis se message mitaane lage.
Aur aaisehi kuch baate unkahi si reh gayi,
Voh dosti jo toofan meh bhi datkar saamna kare vaise kashti jaisi thi,
Aaj saamne vaale ka intezaar karne meh beh si gayi.-
Anjaan shaher nai,
Anjaan raaste hote hai.
Anjaan log nai,
Anjaan unke iraade hote hai.
Hum toh dost hai,
Anjaan nai , jaan hai,
Kyu ki dost sona hai,
Aur dosti sone ki khaan hai.-