बरसना-या पावसात तु
खूणावतेस मला म्हणतेस ,
चल मोकळ्या माळरानात
फिरून आणते मी तुला....
तुझा कोरारंग, नाविन्याचा स्वर
ऐकून मी होतो तुझ्यावर स्वार
देवून रेसचा स्टार्ट करतो मोकळे
तुझ्या गतीचे पाश...
तु ,मी पाहतो माळरानाकडे
वाट मोकळ्या गर्द झाडांकडे...
तुझ्या गतीच्या वेगासोबत
सुरू होतो आपला प्रवास...
गर्द हिरवा निसर्ग , बेभान वारा
पावसाच्या धारा, वेगवान शहारा..
तु म्हणतेस, जरा जपुन राज्या
घे ब्रेकचा सहारा...
घेऊन मोकळा श्वास
आठवून भेटीची आस..
तुझ्या वेगवान स्वारीने मी,
गाठतो क्षणार्धात माळरान...
फिरवून तुझ्यावर मायेचा हात
मी डोळे भरून पाहतो
माझ्या प्रेयसीची वाट...
-