झरझर झराव्यात नित्य शब्दधारा
उमलून यावा लेखणीतून शब्दफुलोरा
मोहरावा प्रतिभेचा सृजन कोपरा
सृजनशीलतेचा वाहत रहावा तेजोमय वारा

सुनिल सर आपणास वाढदिवसाच्या शुभ क्षणी
दीर्घायुष्याच्या अनंत शुभेच्छा.💐💐
तुमच्या सर्व मनोकामना पूर्ण होवो ही स्वामी चरणी प्रार्थना.🙏🙏
HAPPY BIRTHDAY SIR🎂🎂💐💐

-

आला खिडकी आडून
वारा निरोप घेऊन
क्षेम कुशल आहेत
आलो माहेरा जाऊन

तिच चिंच तोच ओढा
वाट आज पाहतोय
म्हणे जाऊन रे सांग
आली तुझी फार सय

त्याच पारंब्या वडाच्या
आसूसल्या भेटण्यास
आहे खात्रीचा सांगावा
झोके येशील घेण्यास

वारा खिडकी आडून
गेला सांगून निरोप
वाट पाहते माहेर
कधी जाशील भेटून

-

हाती नाही काही आपल्या
खेळ खेळत असते नियती
कर्माच्या हिशोबासह देते
चोख हिशोब ती आपल्या हाती

कोण राव कोण रंक
क्षणात सारे बदलते नियती
रंकाचा राव ,रावाचा रंक
करणे तिच्याच असते हाती

बदलू नाही शकत
घडणार आहे जे ते
नियतीने मांडलेल्या खेळाचे
आपणच सारे असतो प्यादे

खुशाल मांडावा खेळ नियतीने
नसावी कुठली कसलीच तक्रार
मानणार नाही हार कधीच
तिच्यासोबत करावा हाच करार

-

वेळ काल त्याची होती
आज आपली आहे
येतील दिस जातीलही
संयमपरीक्षा घटिका घेत राहे....
अहंकाराचा दर्प
नको आजूबाजू
निरहंकाराने मनशिवार
लागू द्या भिजू....
विनम्रतेचा सदोदित
वाहू द्यावा वारा
गर्विष्ठ पणाला नको
मुळीच मनी थारा ....
आपली वेळ सांगते
नको हुरळून जाऊ
यश पचवण्याची कला
नित्य आपण शिकत राहू.....

-

भेट अशीच सहज गेली हवीशी वाटून ...
हवे हवे क्षण जाती कसे त्वरित लोटून ...

किती बोलायचे होते थोडे थोडे भांडायचे...
गरजेचे होते का रे वळवास आणायाचे?? ....

गंध लेवून प्रितीचा भासे मज तू पवन...
भूल पडे गंधाळली गेले द्यायचे राहून....

वाटे सांगावेसे आज किती गोड होते दिस....
ठेेवलाय अंतरात जपलेला मोरपीस...

-

साहित्याच्या प्रवासाने
भेट दिली एक सखी ..
प्रतिभेत वसलेली
सरस्वती तिच्या मुखी....

बोट धरूनी चालावे
घ्यावे सर्वांना सोबत...
अशा निस्वार्थ मनाचा
बहरावा पारिजात...

उत्तम लेखिका, कवयित्री,
सर्व गुणसंपन्न व्यक्तिमत्व,
वंदना ताई तुला वाढदिवसाच्या
शुभ क्षणी दीर्घायुष्याच्या अनंत शुभेच्छा.🌹🌹🍰🍰
साहित्य क्षेत्रात खूप यश लाभो.ही स्वामी चरणी प्रार्थना.💐💐🎂🎂

-

असतील वाटा
खडतर या जीवनात ....
जिद्द, मेहनतीचे
बळ भर तू पंखात ....

श्वास होऊ दे
प्रांजळ प्रयत्नांचे...
ध्यास लागू दे
नव निर्मितीचे ...

येतील उन्हाळे कैकदा
जरी तुझ्या आयुष्यात....
झेल धारा कर्तुत्वाच्या
यशाच्या पावसात ...

अंधारलेल्या झोपडीत
उगवेल एक नवी पहाट ....
शून्यातून विश्व निर्मितीचे
साक्षीदार असेल यत्नांचा रहाट ...

-

खुणावती मज नवे हे रस्ते
सांगती चाल पुढे पुढे ...
असती काटे वाटेवरती
रुततील गो पायात खडे ....

ध्येय असावे धैर्य दिसावे
वाट काढ तू प्रयत्नाने...
तुझ्याच गं जगण्यात बयो
आण सुंदरता तू जिद्दीने...

पहाट होवो तम तव जावो
झळकत राहो कर्तृत्वाने...
नव रस्ते हे मनी पेरती
ऊर्जा त्याच्या मृदगंधाने....

-

मला ही हवाय
शांतीचा दिवा....
समता बंधूभावाच्या ज्योतीने
एकात्मतेत तेवावा...

-

चालतो पेरीत आशा
वाटेत मी निराशेच्या ...
मी वाटेकरी आनंदाचा
फुलवित बागा नवऊर्मीच्या....

देईन साथ दुर्बलांना
होईन हात आधाराचा...
मी वाटेकरी आनंदाचा
कल्पवृक्ष होईन ममत्वाचा....

दुःखाच्या काट्यावरी
बहरेन मी राजा गुलाबाचा...
दरवळेन विवेकी सुगंधात
मी वाटेकरी आनंदाचा ...

गाईन ओवी समाधानाची
अभंग होईन मी जीवनाचा...
कृतकृतार्थ होईल जन्म, होता
मी वाटेकरी आनंदाचा....

-