கண்ணம்மா...


வார்த்தைகள் எதுக்கடி? ..கண்ணம்மா..!
உந்தன் கடைக்கண் கருவிழி பார்வை போதுமடி..

என்னவென்று சொல்வேனடி?.. கண்ணம்மா...!

உந்தன் பார்வையை எதிர்நோக்கிய அந்தநொடி
நான் பைத்தியமானேனடி..


மனங்கள் இரண்டறகலந்ததடி..கண்ணம்மா...!
மற்றனைத்தும் மடிந்ததடி..


இனிவரும் காலங்களெல்லாம்
இந்த நொடிகொண்டு
இன்புற்று வாழ்ந்திடுவோமடி..!

-

"என் எதிரில் நான்"

இரைதேடிய களைப்பில்
இளைப்பாற கிளைமீதமர்ந்த
பறவையின் மார்பில்
பாய்ந்த அம்புபோல்
அந்தச் செய்தி
அன்றென்னை துளைத்தது.

அதிலிருந்து மீண்டுவர முயற்சித்தபோது...

தனிமையை மட்டுமே தோழனாக கொண்ட எத்தனையோ பொழுதுகள்..

மௌனத்தை மட்டுமே மொழியாக்கொண்ட எத்தனையோ கணங்கள்..

முகத்தில் சிரிப்பையும் அகத்தில்
அழுகையையும் அணிகலன்களாய் அணிந்திருந்த நாட்கள்..

இவையெல்லாம் ஏற்படுத்திய ஏதோவொரு புரியாத புரிதல் இன்றுவரை
புரியச்செய்கிறது
இச்சமுகத்தின்
பலத்தரப்பட்ட இயல்புகளை..!

-

🌏தேடல் என் தோழன்🌍

என்னை எனக்கும்
உலகை எனக்கும்
அறிமுகம் செய்தவன்..

வலிகளிலிருந்து
வெற்றிக்கான வழிகளை
போதித்தவன்..

உயிருடன் இருப்பதைவிட
உயிர்புடன் இருக்கவேண்டுமென
உணர்த்தியவன்..

இவனை நான் தோழனாக பெற்றதும்
ஒரு தேடல்தான்..

-

பயணங்கள் அழகானவை..

ஒவ்வொரு
பயணத்திலும்
தொலைவுகளோடு
சேர்த்து சில
நினை(கழ்)வுகளையும்
கடக்கின்றோம்..

ஒவ்வொரு பயணமும்
அறிதல்,புரிதல்,மகிழ்தல்,
தொலைத்தல்,தேடுதல் என ஏதோவொன்றை நம்முள் பயணிக்கச்செய்கின்றன..

பயணிப்போம் பல நினைவுகளோடும்..
சில நிஜங்களோடும்...

-

சித்திரவாழ்வு..

வரைந்திடுவோமே
நமக்கான ஞாலத்தினை
நம் ஞானத்தினாலே
வாழ்ந்திடுவோமே
அந்தம்வரை அதில்
எழுதுகோலை
கைத்தடியாகக்கொண்டு...!

-

நாகரீக தோல்வி..

அன்று விளையாடிய
வீரவிளையாட்டுகள்
அனைத்தும் இன்றும் விளையாடப்படுகின்றன..

ஒரே வித்தியாசம்


அன்று களத்தில் விளையாடப்பட்டது
இன்று கம்பியூட்டரில் விளையாடப்படுகிறது...!

-

நிழல்..

செந்நிற கதிரவன்
தன் ஔித்தூரிகையால்
தீட்டும்
கருநிற ஓவியம்...!

-

அனல்...

கற்களை
உரசியதால்
பிறந்த
மனித வெளிச்ச நாகரீகத்தின்
முதற்குழந்தை..!

-

அனுபவங்கள்..

அறியாமையில் நாம் செய்யும் தவறுகளால்
வெற்றிக்கான இரகசியத்தை போதிக்கும்
இவைகள் வாழ்க்கையின்
பொக்கிஷங்களே..!

-

மன்னிப்பு..

பல உதடுகள்
கேட்கமறுக்கின்ற..

சில இதயங்கள்
வழங்கமறுக்கின்ற

ஓர் முரண்...!

-