నువ్వు నాకే దొరికిన అద్భుతం మరి
అందుకే ప్రతిరోజూ మరికాస్త ఇష్టంగా
నిన్ను చదవడం నాకిష్టం

-

నిన్ను నా సొంతం అనుకొన్నందుకే
ఇంత స్వార్థం నాలో
నీకు ఇబ్బంది కలిగినా నా ప్రేమ ఇంతే తప్పదు మరి

-

నా రాతలో నువ్వు లేవు
నా రాతల్లో ఎప్పుడు ఉంటావ్

-

నీ జ్ఞాపకాలు
గడ్డిపువ్వుల్లో చిక్కుకొన్న మంచు బిందువులు

-

నేను అందంగా రాసుకొన్న కావ్యంలో
అద్భుతమైన సంతకం నువ్వు

-

నీ మౌనాన్ని కూడా నిశ్శబ్దంగా
ప్రేమించాలనిపిస్తుంది
అదేంటో
నీ ప్రతి చర్య అద్భుతమే నాకు....

-

వలపు భాషవి
నువ్వు...
మరో జన్మకీ మరపు రావు

-

మకరందపు మధురిమవు నువ్వు
గమ్మత్తుగా గుండెల్లో జీవిస్తావు...

-

ఆనంద క్షణాలు అరుదుగా ఉంటాయి
నిన్ను తలచిన మరుక్షణం
నా పెదాలుఫై చిరునవ్వులా

-

సమయాలన్నీ సుగంధాలుగా హత్తుకుంటాయ్
నీ తలపులతో నేనుంటే...

-