sometimes bad chapters leads to good..!

-

മറന്നതല്ല
മടുത്തതാണ്
മറന്ന് മറന്ന്
മടുത്തത്‌...!

-

പറയാതെ പോയ
വരികൾക്കിടയിൽ
എവിടെയോ ,
കെട്ടുപിണഞ്ഞു കിടപ്പുണ്ടത്രെ
നീയും പിന്നെ ഞാനും...

-

മറക്കണമെന്നുണ്ട് ,
ഓർമ്മകളാകുന്ന
നീർമാതളം കണക്കെ
നീ വന്നു പൊതിയുമ്പോൾ
ഞാൻ എങ്ങനെ മറക്കാനാണ്...

-

ചിലതൊക്കെ
അങ്ങനെയാണത്രെ ,
അത്രയെളുപ്പം മറന്ന്
കളയാമെന്ന്
വിചാരിക്കേണ്ട..,
മറന്നെന്ന് തോന്നുമ്പോ
ഓർമകളെയും
തോളിലേറ്റി
ഒരു വരവുണ്ട്
മറന്നതിനത്രയും
നോവുകൾ കൊണ്ട്
പകരം ചോദിക്കാനായി...!

-

ഓർക്കാൻ
ആഗ്രഹിക്കുന്നതൊക്കെ
മറന്നു കളയുന്നു
എന്നാൽ മറക്കാൻ
ആഗ്രഹിക്കുന്നതോ
ഓർക്കുകയും ചെയ്യുന്നു
എത്ര ക്രൂരനാണല്ലേ
ഈ മനസ്..!

-

അപൂർണ്ണമെന്നാകിലും
മായ്ക്കുന്തോറും
അത്രമേൽ തെളിഞ്ഞു
വരുന്നൊരു
സുന്ദര സ്വപ്നമാകുന്നു
നീയെനിക്ക്...

-

Never lose your hope ,
May be the good things are loading...

-

ചെമ്പരത്തി ചോപ്പേറിയ
ആ കണ്ണുകളിൽ
ഉപ്പ് കാറ്റേറ്റ് നിറം
മങ്ങിയിരിക്കുന്നു ,
നിശ്ചലമായ
നോട്ടങ്ങളിലെവിടെയോ
നോവുകളുടെ കടലാഴം
ഒളിച്ചിരിപ്പുണ്ട്,
കെട്ടിപ്പിടിച്ചൊന്ന്
പുണർന്നാൽ മതി
സ്വാന്തനത്തിന്റെ
ഒരു തിരയിളക്കം കാണാം...!

-

പാതി മുറിഞ്ഞു
വീണൊരു
കവിതയുണ്ട്,
അപൂർണ്ണമെന്നാകിലും
എനിക്കത്രമേൽ
പ്രിയപ്പെട്ട ഒന്നിനെ
'നീ' എന്നെല്ലാതെ
മറ്റെന്ത് പേരു ചൊല്ലി
വിളിക്കാനാണ്...?

-