Todenge gurur ishq ka,aur kuch iss qadar sudhar jayenge,
Khadi rahegi mohabbat raastein par,aur hum saamne se guzar jaayenge.

-

Rakhti nahi ab iss rishtey se koi aas,
Jaan chuki woh paani nahi main,jo bujha sake teri pyaas,
Kehne ko saath the,phir bhi kabhi na the paas,
Mujhe chod,tu dusro meh jo dhundh raha tha mera ehsaas.

-

Bhula na kar,ki waqt sabse balwaan hai,
Tikk na paaya,aage iske,koi dhanwaan hai,
Shikast hue,iske khel meh kai budhimaan hai,
Phir bhi na jaane kyun,log khud par karte itna abhimaan hai.

-

Chaha hai tujhe dil se,lekin khud ko na haara hai,
Tujhe mutasir karne ki chaah mei,kabhi na khud ko savara hai,
Mil jaaye tu,ye dua kai dafa ki hai,
Lekin zindagi vaar du tujhpe,ye mujhe kabhi na gavara hai.

-

Aaj kal khud se hi main baatein karta hu,
Duniya ki iss bheed mei,apne akelepan ko bharta hu,
Kaha fursat hai logo ko,ki sune tumhare kisseh,
Isliye kabhi khud hi dost,toh kabhi humsafar banta hu!

-

Kehta hai mujhse wo,aakar mere paas,
Jaanti nahi,tum ho mere liye kitni khaas,
Ab kon bataye unhe,dil rakhta nahi ab koi aas,
Woh seekh chuka,aam rehke bhi khush hone ka ehsaas.

-

Aaj ke corporate culture ka daur hai kuch aisa,
Job pe chahte hai,kaam karo tum gadhe jaisa,
Ye customer satisfaction toh naam ka hai janab,
Inhe client se matlab nahi,bas pyaara hai unka paisa.

-

Meri har zarurat ki jisey khabar hai,
Khwabon ko mere,jisne diye azaadi k parr hai,
Kuch aisa unka mere zindagi par asar hai,
Adhura jinke bina,kaamyabi ka har dagar hai.

-

Woh kehte hai,tumhare bina reh nahi sakte,
Tum durr hojao,ye hum seh nahi sakte,
Humari bebasi toh dekhiye janab,
Beinteha mohabbat karke bhi,hum unse kuch keh nahi sakte.

-

Kuch banjar si thi,iss dil ki zameen,
Woh baarish ki boond sa gira,aur hogayi zindagi haseen.

-