ఆడదాని వైరాగ్యం పొంది అడవి బాట పట్టి
జీవిత విరక్తికి శివయ్య సావాసమే ముక్తిగా
శబ్దం లేని సందడికి సారా చుక్క తోడు రాగ
చిందులేసి సందడి చేసి సమాధిలో నిద్రిస్తా!!!!

-

అబ్బల కష్టమో విశ్వాసమో బానిసత్వమో
స్థాయిని మించి స్థానాన్ని ఇచ్చారు మనకి కాపాడుకోవాలి

-

మంచి నీకోసమే
మంచి చెడు నాకోసం

-

మోసపోయాక మనుషులు చూపించే
జాలి నన్ను మోసం చేస్తూనే ఉంటుంది

-

మీ అబ్బ కూటి కోసం
మీ నాన్న ఇంటి కోసం కష్టపడారు అంటే ఓ అర్థం ఉంది
నువ్వు కూడా ఇంకా వాటి కోసమే పాకులాడుతున్నావు అంటే ఎంతవరకు సమంజసం ఆలోచించుకో

నీ పుట్టుక కూడు గూడు గుడ్డ కోసం కాదు

-

నాలోని జీవమే అతిపెద్ద స్వార్థం
కేవలం స్వతంత్రం కాదు స్వేచ్ఛ కావాలి

-

ఆడది అనే అబద్ధం పురుషుని పుణ్యం

-

అసందర్భమైన ఆలోచనలోనే
సందర్భం చూపని నిజం దాగి ఉంటుంది

-

దేహానికి మోక్షాన్ని ప్రసాదించలేని మనుష్యులకు
నా ఆలోచనల మైకం అర్థంకాదు

-

మరణం తరువాత నాట్యమండలి ప్రవేశం
నీ దేహాన్ని తృప్తిపరచదు
బ్రతుకే చివరి అవకాశం

-