तुला रोज जरी पाहिले
तरी हे मन भरत नाही..
तू निघून जाता अवचित
अवस सरता सरत नाही..!!
तुझ्या लपंडावाच्या खेळात
राज्य नेहमी माझ्यावर येते..
तुला शोधता शोधता चंद्रा
रात्रभर मनाचे जागर होते..!!
तू होता लुप्त कलेकलेने
माझे मुश्किल जगणे होते..
वारा बोचत राहतो मनास
अन् दवबिंदूंचे ओघळणे येते..!!
पुरे झाला हा लपंडाव
किती देशील तू असा त्रास..
माझ्या मनाची पौर्णिमा
आता तरी येऊ दे भरास..!!- शब्द तरंग..✍️
24 JAN 2019 AT 12:51