तुझं माझं नातं जरा खास आहे
हा एवढं आहे की तुला माझा त्रास आहे..
दिवसा ढवळ्या पाहते मी स्वप्न तुझे
तू म्हणतोस की वेडे हा फक्त भास आहे..
आणि विचारणं तुझं आठवण कितीदा येते
आता खरं सांगू मोजले ना मी श्वास आहे..
पत्ता माझा मलाच काय विचारतोस
तुला माहित नाही का हृदयात तुझ्या माझा वास आहे..
आता सांगते इच्छा मनातली मी ही
तू ओंजळीत फुलं घेऊन म्हणावं मी तुझाच दास आहे.
सद्ध्या जरा वेगळाच वाटतोय ना ऋतू
बहूतेक प्रेमाचा हा मधुमास आहे..
-