ರೋಮಾಂಚನ ವೀ....ಕನ್ನಡ

-

ಸೆಳೆತವದು
ಕರೆತಿಹುದು
ಮತ್ತೆ ಮತ್ತದೆ ಗುಂಗಿನಲಿ
ಸಾನಿದ್ಯ ಸುಖದ
ಮತ್ತೆ ಹಾಗೆ
ಬಿಟ್ಟು ಬಿಡದೆ ಕಾಡುವುದು
ಮತ್ತದನ್ನೆ ಬೇಡುವುದು..

-

ಮೃದು ಹೃದಯ ಸ್ಥಾಪನೆಗೆ
ಮೊದಲು ದೇವರು ಸಾವಿರ
ಬಾರಿ ಯೋಚಿಸಿದ
ಮೆದುಳು ಮುಚ್ಚಿಡುವ
ಮುನ್ನ ಅದೇಕೊ ಕಠೋರವಾದ
ಮೆದುಳು ಹೃದಯಕ್ಕಿಂತ
ಮೆದುವಾದರೂ ಜನ
ಹೃದಯದ ಮೃದುತ್ವದ ಬಗ್ಗೆಯೇ
ಮಾತಾಡಿಕೊಳ್ಳುತ್ತಾರೆ..

-

ತಿರುವಿನ ಕೊನೆಯಲ್ಲಿ
ಅವಳ ಮನೆ
ಅನಿವಾರ್ಯವಾಗಿ
ನಿಧಾನವಾಗಿ
ಚಲಿಸಬೇಕು
ನನಗೂ ಅದೇ ಬೇಕು..

-

ಹೆಣ್ಣು ಮಕ್ಕಳಿಗೆ
ಬಹಳ ಹಿಂದಿನಿಂದಲೂ
ಅಲಂಕಾರದ ಬಗ್ಗೆ ಕಾಳಜಿ ಇದೆ
ಗಂಡು ಮಕ್ಕಳಿಗೋ
ಅವಳಂದ ಹೊಗಳಲಷ್ಟೇ
ಅಲಂಕಾರ ಸಾಕಾಗಿದೆ...

-

ತದೇಕ ಚಿತ್ತದೆ ನೋಳ್ಪ
ಅವನ ಕಾತರವ ಕಂಡು
ಕೇಳಿದಳು ಆಸೆಯೇ ?
ಮೆಲ್ಲನುಸುರಿದ ಅವ
ಬಳಿಸುಳಿದು, ಬರಸೆಳೆದು
ಮತ್ತದೆ ಪ್ರಶ್ನೆಯ ಕೇಳು
ನನ್ನ ಮೌನದುತ್ತರದ
ಕೌತುಕವ ಅರಿವೆಂದ..

-

ಯಾಂತ್ರಿಕತೆಗೂ
ತಾಂತ್ರಿಕತೆಗೂ
ವ್ಯತ್ಯಾಸ ತಿಳಿಯದ
ಮುಗ್ಧ ನಾನು
ರಸಿಕತೆಗೂ
ಪೋಲಿತನಕ್ಕೂ
ವ್ಯತ್ಯಾಸ ಗೊತ್ತಿರದ
ಮುಗ್ದೆ ಅವಳು...

-

ತಡೆಯದಿರು ಚೆಲುವೆ
ನಾ ಅಂಗಾತ
ಮಲಗುವೆ....

-

ಹೆಚ್ಚು ಕೊರಗದ
ಅಪ್ಪ ತುಸು ಹೆಚ್ಚೆ
ಗದ್ಗದಿತನಾಗಿದ್ದ

ನಿತ್ಯ ಸಂಕಟಪಡುವ
ಅಮ್ಮ ನಿರಾಳವಾಗಿದ್ದಳು

ಗೂಡು ಕಟ್ಟುವ ಕೆಲಸ
ಬಲ್ಲವನು ಅಪ್ಪ
ಗೂಡಿಲ್ಲದವರ ಪಾಡು
ಕಂಡವಳು ಅಮ್ಮ..

-

ಅವಳ
ಹೃದಯದರಮನೆಯ
ಬಾಗಿಲಲಿ ನಿಂತು
ನನ್ನ ಸ್ವಾಭಿಮಾನವನ್ನು
ಅಡವಿಟ್ಟು ಅವಳೆದರು
ಕೈಚಾಚಿದೆ,
ಬಾಗಿಲು ತೆರೆಯದೆ
ಕಿಟಕಿಯ ಮರೆಯಲೆ
ನಿಂತು ನೋಡಿ
ಕಿಟಕಿಯ ಪರದೆಯ
ಮುಚ್ಚಿ ಸಾಂಕೇತಿಕ
ತಿರಸ್ಕಾರ ತೋರಿದಳು
ಅಸಲಿಗೆ ನಾ ಈಗ
ನಿರ್ಗತಿಕ..

-