ಸಪ್ತಸಾಗರದಾಚೆಯೆಲ್ಲೋ ಕಳೆದೋಗುವಾಸೆ
ಅನಾಮಿಕನಂತೆ

-

ಹಚ್ಚುವುದಾದರೆ ದೀಪವೇ ಹಚ್ಚು
ಮನೆಗೆ ಬೆಂಕಿಯನ್ನಲ್ಲ
ಆರಿಸುವುದಾದರೆ ಬೆಂಕಿಯನೇ ಆರಿಸು
ಮನೆಯ ಜ್ಯೋತಿಯನ್ನಲ್ಲ

-

ನಿಲ್ಲದೇ ಓಡುವ ಜಗತ್ತಿನಲಿ
ನಿಂತು ಅರಿಯುವ ಭಾವ
ಕೊಂಚ ಮೌನದಲಿ ಹುಡುಕುತ
ಅಲೆದಾಡಿತು ನೆಮ್ಮದಿಯ

-

ನಿಲುವಿರದ ಪಯಣದಲಿ
ಕನಸುಗಳ ಬೆನ್ನೇರಿ
ಮನಬಿಚ್ಚಿ ಹಾರುವ ಪಕ್ಕಿಯಾದೆ ನಾ

-

ಗುಳಿಕೆನ್ನೆಯ ಕನ್ಯೆಯೆ
ಮಾದಪ್ಪನ ದಾಸಿಯೆ
ಜಗವನೆ ಸೋಜುಗದತ್ತ
ಸೆಳೆದ ಸುಂದರಿಗೆ
ಹುಟ್ಟಿದಬ್ಬದ ಶುಭಾಶಯ

-

Either light or dark. It's your own path😊
Feel, face and make the worth of it🌼

-

ಮನದ ಭಾರವು ಅಲೆಗಳ ಸಪ್ಪಳದಿ ಮಿಂದಾಗ
ಏನೋ ನೆಮ್ಮದಿ

-

ತುದಿಗಾಲಲಿ ನಿಂತಿತ್ತು ತಟ್ಟೆಂದು
ಇಳಿಯಲು ವೇಗದಿ ಕಣ್ಣೀರಾಗಿ
ಕ್ಷಣಮಾತ್ರದಿ ಕಂಡಿತು ಹಡೆದಾಕೆಯ
ನೊಂದ ಮನ ಸಂತೈಸಲು
ಯಾರಿಹರಾಕೆಯ ನನ್ನ ಹೊರತು
ಅಂದು ಧೈರ್ಯವ ತೊರೆದು
ಅಬಲೆಯಾಗಿದ್ದರೆ ನೋವು
ಅಮರವಿತ್ತಾಕೆಗೆ ಅಪ್ಪನೆಲ್ಲೂ
ಹೋಗಿಲ್ಲೆನ್ನೊಡನಿರುವನು ನನ್ನ
ಶಕ್ತಿ-ಯುಕ್ತಿಯಾಗಿರುವನು ಅಂಜಬೇಡ
ವೆಂಬ ಛಲವ ತೊಟ್ಟು ಅಡಗಿಸಿದೆ ದುಃಖವ
ಅತ್ತು ಬಿಡಲೆಂಬ ನೋವ ಕಾಡುವಾಗ
ಜವಾಬ್ದಾರಿಯೆಂಬ ಮೆಟ್ಟಿಲು ತಳ್ಳುತಿತ್ತು
ಸಾಧನೆಯೆಡಗೆ

-

ಎಷ್ಟೋ ಜನರು ಹೇಳೋದನ್ನ ಕೇಳಿದ್ದೆ
ಎಷ್ಟೋ ಸೆಲೆಬ್ರಿಟಿಗಳು ಯಾವ್ದೋ
ಫಂಕ್ಷನ್ ಅಲ್ಲಿ ಅವಾರ್ಡ್ ಗೆದ್ದಾಗ ಹೇಳಿದ್ ಮಾತು ಕೇಳಿದ್ದೆ
ಎಷ್ಟೋ ಅಸಹಾಯಕರು ನೋವಲ್ಲಿ ಹೇಳಿದ್ದನ್ನ ಕೇಳಿದ್ದೆ
ಅಪ್ಪಾ ಇಲ್ದೆ ಈ ಸಮಾಜದಲ್ಲಿ ಬದುಕೋದು ಕಷ್ಟ
ಅಪ್ಪ ಇಲ್ದೆ ಇರೋದು ಅಷ್ಟು ಸುಲಭದ ಮಾತಲ್ಲ ಅಂತ
ಅಂದು ಆ ಮಾತು ಅಷ್ಟು ತೂಕ ಅನ್ಸಿರ್ಲಿಲ್ಲ
ಅನುಭವಿಸಿದಾಗಲೇ ಅಲ್ವಾ ಭಾವನೆ ಅರ್ಥ ಆಗೋದು
ಅಷ್ಟು ಸುಲಭವಿಲ್ಲ ಅಪ್ಪನಿಲ್ಲದ ಈ ಜೀವನ
ಕಳೆದುಕೊಂಡಾಗ ಗೊತ್ತಾಗೋದು ಕವಚದ ಬೆಲೆ

-

ನಿನ್ನ ನಿಸ್ವಾರ್ಥದ ನಾದ
ಕಲ್ಕರಗಿಸುವಂಥಹ ನುಡಿ
ಪ್ರೀತಿಯ ಪಲ್ಲವಿ
ಮಮತೆಯ ಚರಣ
ಕರುಣೆಯ ಸ್ವರ
ಅಪ್ಪಾಜಿ ನೀನೇ ಸದಾ ನನ್ನ ಮನದಿ
ಮೊಳಗುವ ಸರ್ವನಾದ

-