শুনা না,
এবাৰৰ বাবে অভিমানবোৰ পাহৰি
তোমাৰ প্ৰিয় নামটোৰে মোক এবাৰ মাতি চোৱা
শেষ ৰাতিৰ নিসংগতাবোৰৰ কথা মোৰ আগত ব্যক্ত কৰি চোৱা❤
খুলি ৰোৱা চাৰ্টৰ বুটামটো বন্ধ কৰি লোৱা
এবাৰ মোৰ বাবে এইখিনি কৰি চোৱা...
বুকুৰ মাজত মোক নিচুকাব নালাগে বাৰু
এবাৰ হাতখন জোৰকৈ ধৰি মোৰ সাহস হৈ চোৱা
বতাহত উৰি থকা মোৰ চুলিখিনি কাণৰ কাষত গুজি দি এবাৰ হাঁহি দিয়া
আৰু তাৰ পিছত অসহজ হৈ পৰা মইজনীক এবাৰ জোকাই চোৱা💚
দিনটোৰ ব্যস্ততাৰ পিছৰ সময়খিনি এবাৰ মোক দি চোৱা
মোৰ কান্ধত মূৰ থৈ সমস্ত ভাগৰ পাহৰি চোৱা💛
শুনা না...
এবাৰ মোৰ হৈ চোৱানা😊💖

-

বুকুৰ আপোন তেৱেঁই
যিজনে বুজেও আৰু বুজায়ো //✨

-

উভটনি~

"মা চোৱা, ককাই মোক চহৰলৈ গৈ পঢ়িবলৈ বাধা দিছে! তেওঁ কৈ আছে যে ঘৰত থাকি ঘৰৰ কাম-কাজবোৰ শিকা, সেয়াই বহুত। ঘৰৰ ওচৰৰে কোনোবা এখন কলেজৰ পৰা হায়াৰ ছেকেণ্ডাৰীটো শেষ কৰি ল'লে হ'ল; হিচাপ-নিকাচবোৰ জনা হ'বৰ বাবে হেনো সেইখিনি পঢায়ে বহুত।

সংগীতাৰ এনে লাগিল যেন বিছ বছৰ আগৰ তাইজনীয়েই মাকৰ আগত আব্দাৰ-অভিযোগ কৰি আছে! শব্দবোৰো সেই একেই! মাত্র হায়াৰ ছেকেণ্ডাৰীৰ ঠাইত অষ্টম শ্ৰেণীয়েই আছিল তেওঁৰ বাবে স্কুলীয়া জীৱনৰ শেষৰটো বছৰ!

"মা, তুমি একো নোকোৱা কিয়?"

"তই চিন্তা নকৰিবি; মই দেউতাৰাৰ লগত কথা পাতিমগৈ! তই পঢ়িবি, নিশ্চয় পঢ়িবি। কোনোৱে সন্মতি নিদিলেও তই পঢ়িবি। তোৰ বাবে "ময়েই যথেষ্ট"...
এক আচৰিত আত্মবিশ্বাস তেওঁৰ ভিতৰত জাগি উঠিল আৰু তেওঁ অনুভৱ কৰিলে যে তেওঁৰ ছোৱালীক তেওঁৰ সপোনবোৰৰ ওচৰলৈ লৈ যোৱাটোৱেই তেওঁৰ হেৰাই যোৱা সপোনবোৰৰ "উভটনি" হ'ব!

-

কেতিয়াবা কেতিয়াবা কোনোবা এজনৰ সৈতে খুব কথা পাতিবলৈ মন যায়...! দিনটোত আপুনি কি পাইছে, কি হেৰুৱাইছে সকলো কথা আওৰাই আওৰাই কৈ যাবলৈ মন যায়...! এদিন আপুনি কথাবোৰ কৈ কৈ ভাগৰি পৰি ৰয় আৰু ক'বলৈ বন্ধ কৰি দিয়ে কথাবোৰ...! আপোনাৰ কাৰো সৈতে কথা পাতিবলৈ মন নোহোৱা হৈ পৰে...! আনকি আপুনি মানুহবোৰক প্ৰত্যুত্তৰ দিবলৈও এৰি দিয়ে...! আপুনি সিহঁতক 𝙸𝙶𝙽𝙾𝚁𝙴 কৰিবলৈ আৰম্ভ কৰে আৰু তেতিয়াই মানুহে আপোনাক অহংকাৰী বুলি ভাবিবলৈ আৰম্ভ কৰে...!

ইয়াৰ পৰাই আৰম্ভ হয় হতাশাৰ...! আপুনি গমকেই নাপায়, আপুনি ভিতৰি ভিতৰি ভাঙিবলৈ আৰম্ভ কৰে ইয়াৰ পৰাই...! 🐾

-

বিশেষ বুলিবলৈ চোন একোৱেই নাই এইকেইদিন;
আপুনি যে নাই মোৰ চহৰত এইকেইদিন...!

-

নিশাৰ সেই অন্ধকাৰবোৰত
স্মৃতিবোৰ প্ৰায়েই পোহৰ হৈ থাকে...❤🌻

-

আপুনি মাথোঁ হাঁহি থকা কৰক
তাৰ বাদে একো নালাগে
আপোনাকো নালাগে...! 😊🖤

-

"বিশেষ" স্থান দিয়া মানুহৰ মনত "বিশেষ" হ'ব নোৱাৰাৰ কাতৰ যন্ত্রণাত চিৎকাৰ কৰি উঠে অবুজ হৃদয়ে...! 🙂

-

আপুনি লগত থকা দিনবোৰত আপোনাৰ বাবেই প্ৰাৰ্থনা কৰিম, আপোনাক চিৰদিন মোৰ কৰি ৰাখিবলৈ... 💞
আপুনি লগত নথকা দিনবোৰতো আপোনাৰ বাবেই প্ৰাৰ্থনা কৰিম, আপোনাক আকৌ এবাৰ উভটাই পাবলৈ... 🌻
তাৰ পিছতো "ভাল পাঁও" বুলি কোৱাটো জানো জৰুৰী...💚

-

"সময়ক অকণ সময় দিয়ক,
সময়েই এদিন ভাল সময় আনিব..."🌻

-