বুকুৰ পৰা বুকুলৈ
বৈ অহা কথাবোৰ তুমি ধৰি নাৰাখিবা ।

অলপ মইয়ে বুটলি লওঁ ,
তুমি আজিলৈ নালাগে দিয়া !— % &

-

আপোনাৰ বুকুৰ তলেৰে
আকৌ চৰি ফুৰে একোটা ভোক ____।।

মই এৰি দিছো একোটা পূজা
আপোনাৰ বুকু জুৰুৱা _________।।

-

"ব'হাগ:- ৬"
এটা উচুপনি গুজি দিলো তোৰ খোপাত
ৰিহাৰ জাপেৰে বৈ আহে এটা সুগন্ধি

দুহাতত জেতুকাৰ নৈ
ব'হাগ এনেও ৰঙা
তোৰ - মোৰ দৰে 🌻

-

"কাঞ্চন"

এছটা সময়ে উভতি নোচোৱা শিলৰ ইপাৰে ,
সিহঁত বহি আছিল কমল নগৰৰ ইতিহাস পঢ়ি।।
কোনেও দেখা নাছিল!!
গোপন প্ৰেমৰ উন্মেষত জন্ম পোৱা এটা গল্পৰ সাৰাংশ।।

বৈতৰণীত তেতিয়া প্ৰতিফলিত হৈছিল
কমল নগৰৰ উদ্ভাসিত মুখ দুখন
আৰু ……!!
আৰু খোপাত গুজি লোৱা কাঞ্চন ফুল।।
"সময় ঠিক আবেলিৰ কোমল ৰ'দ"

-

নৈ খনৰ গৰাহত
সি সিদিনা অকলে থিয় হৈ আছিল
মূৰৰ ওপৰে উৰি গৈছিল_
বিষাদ মিহলি ধূলিৰ বতাহ
উশাহে নিচিনা আন শৰীৰৰ গোন্ধ_
চৈ বান্ধি বান্ধি নাৱৰীয়াই গাইছিল :-

"এই জীউ জীৱৰ কেঁকুৰিত উৰো উৰো"
"তোৰ বুকুতে বিধাতাৰ বুকু দুৰু দুৰু"
"এই পানীকে মই সাৱতি মৰো মৰো"
"এই জীউ জীৱৰ কেঁকুৰিত উৰো উৰো"

-

আৰু
তুমি মোৰ বুকুত গুজি দিলা
এজাক মায়াবী শৰৎ ।।

-

*লগন*

সি মোৰ কাণে কাণে ক'লে
শৰতৰ অজানিতে , গোপনে

বুকুত দিনে দিনে বাঢ়ি অহা
এটা আলফুলীয়া বিষৰ কথা ।।

( মনৰ ভিতৰে ভিতৰে
অতি সংগোপনে )

-

তুমি সাৰে আছা
মই সাৰে আছো
বুকুত এসোপা কোলাহল লৈ ,

( আজি ৰাতি শৰৎ সৰিব ,
তোমাৰ ওঁঠত সানি যাব কিনো যে আলফুলীয়া দৰদ )

-

মোৰ কথাবোৰ
আজি একাষে ৰাখিলো

আজি কেৱল
তোমাৰবোৰ শুনিম
নীৰৱে , গোপনে ।।

( তোমাৰ ওঁঠত শৰতৰ সেমেকা গোন্ধ )

-

প্ৰতিটো দিন ,
তোমাৰ
প্ৰেমত পৰি মই জী উঠো

ইয়াৰ সুখ মই তোমাক বুজাব নোৱাৰো
অথচ ভগাবও নোৱাৰো ।।

( তুমি মোৰ প্ৰতিটো দিনৰে উৎসৱ )

-