ஒரு ஞாயிறு காலையின்
மொட்டை மாடி கீதங்கள்
கீச்சிடும் கானப் பறவைகள்
சத்தமிடும் சாலை வண்டிகள்
டக் டக் துவைப்படும் துணி
டிக் டிக் ஓடிடும் கடிகாரம்
ஷ்ஸ் ஷ்ஸ் விசிலிடும் குக்கர்
கடக் கடக் இரைச்சலிடும் மோட்டார்
தடக் தடக் கூவிடும் ரயில்வண்டி
இத்தனைக்கும் நடுவில்
எங்கிருந்தோ இசைக்கும்
ரேடியோ பாடலுக்கு
தாலமிடும் மனம் ...



- ஜீவி

-

என்றோ நினைந்த
நம் தருணங்களை
சுகந்தமான மனதில்
ஊஞ்சல் ஆடியபடியே
துளித் துளியாய்
அசை போடுகிறது....

- ஜீவன்மொழி

-

காற்றோடு கலந்தே கொஞ்சம்
கதைகள் பேசிடு
மாற்றங்கள் என்றும் உண்டு
வீண் தாபம் தீர்த்திடு
ஆற்றாமை அகற்றி நெஞ்சின்
பாரம் குறைத்திடு
ஏற்றங்கள் வானை முட்டும்
வாழ்வை வாழ்ந்திடு ......


- ஜீவன்மொழி

-

எங்கும் பரவிய நிசப்தம்
இருளைப் போர்த்திய வீடுகள்
மின்விளக்குகள் ஓய்வெடுக்க
மின் விசிறிகள் வேகமெடுத்தன

வெம்மையும் தணிய
வெருமையும் பணிய

கையில் தழுவும்
கைப்பேசியின் வெளிச்சத்தில்
நிலவுக்கு நிகராய்
முகமெல்லாம் பிரகாசம்



இரவில் நித்திரையுடன் தன்னையும்
தொலைத்து கைப்பேசி
அடிமைகளான ஆசாமிகள்.....



- ஜீவன்மொழி

-

அகண்ட விழிகளால்
அகத்தை ஆள்கிறாய்
வெண்கலக் குரலினால்
தேனாய் இசைக்கிறாய்
துருதுரு செய்கையால்
கவர்ந்தே இழுக்கிறாய் !

உன்னிடத்தில் கொண்டேனடி
தீரா மையல் !

-

கனவுகளை காற்றோடு
கரைத்து விட்டு
கடமைகளில் மூழ்கியே
கிடைத்ததை வாழ்ந்து விட்டு
விதியின் பெயரிட்டு
நானும் இவ்வாழ்க்கையில்
தொலைந்து விடவா பலரைப் போல.....

- ஜீவன்மொழி

-

குழந்தையாய் தவழ்ந்து
பறவையாய் திரிந்தோம்
பாசத்தின் வலையில்
பண்பட்டு வளர்ந்தோம்
பந்தங்களை பகிர்ந்து
சொந்தங்களாய் சேர்ந்தோம் !

ஆயா தாத்தா வீடு
சொல் மட்டும் ஆனதே
அன்பும் கம்பீரமும் கரைந்தே போனதே
வெறுமையும் சேர்ந்தே வெறிச்சோடி போனதே !

நிகர் இல்லா நினைவுகள் பல பல
கண்முன்னே வருதே கண்ணீரும் தருதே.....

வருந்தினாலும் நீங்கள் தந்த அன்பு
வாழ்க்கைக்கு நன்றி கூறி வணங்குகிறோம்
என்றும் உங்கள் நீங்கா நினைவுகளுடன்....



- ஜீவி

-

சிறிய உரையாடல்
நிறைய புரிந்துணர்வு

அலட்டிக்கொள்ளா பாசம்
ஆழம் கடந்த நேசம்

கைவிரல் பிடிப்பதில்லை
கை விடுவதும் இல்லை

எங்கள் உலகம்
எல்லைகள் இல்லாதது ...


- ஜீவன்மொழி

-

அவள்
அவளுக்கென ஒரு வண்டி
அவளுக்கென ஒரு பாதை
அவள் கனவுகளுக்கு வாயில் !!

-

ஆர்பரிப்பிக்கும் அமைதிக்கும் இடையே அலைபாயாமல் நடுநிலையாய்
பயணிக்க தேவைதான்
நெடியதோர் புரிந்துணர்வு


உன்னைப் பற்றி !

-