ঐ নীলা,,,
তোক চালেই
দুখবোৰ শুকাই ,
ভাৱনাৰ এখনি নৈ বয়
তোৰ ফালেই ধিয়াই ।।

-

সেমেকা পুৱা

সেমেকা পুৱাবোৰ
এৰাই চলিবইতো বিচাৰো !
বিচাৰিলেই জানো পাবা
এখন সুশোভিত মৰুদ্যান ,
এটা ব্যতিক্ৰমী সুৰুজ ?
প্ৰতি নিয়ত সৌন্দৰ্য ঢালি
শীতল উত্তাপেৰে
জীৱনৰ সাৰথি হ'বলৈ !!

-

অনামিকা !
উফ ! কি যে মিঠা নাম তাইৰ !!
নামটো ক'ৰবাত শুনিলেই
বুকুখন আজিও শিহৰি উঠে ,
তাইৰ প্ৰতি অগাধ ভালপোৱা
দীনপঞ্জী খন ,
একাদিক্ৰমে কোনোবাই
পাঠ পঢ়া যেন লাগে ।
কেনে আছা অনামিকা ?
তোমাৰ কথা জানিবলৈ
আজিও খুব আগ্ৰহী অ ,
জানানে তোৰ সেই
মোটা মোটা আখৰৰ চিঠিবোৰ
আজিও ৰাখিছোঁ সযতনে ।
সময় পালে খুলি চাওঁ
অতীতক খেপিয়াই
আজুৰি আনিবৰ মন যায়
কিন্তু তুমি যে আজি সেই বাটতে নাই !!!

-

জীৱনটো নিজৰ মতে নহয় ,
নিজৰ ওপৰতে অনুসূচনা হয় ।
কায়েটিয়া বাটত ভৰি থলো ,
অতিক্ৰম পিছে কেনেকৈ কৰোঁ 🤔🤔

-

হৃদয়ৰ কোঠাৰঘাত

কওঁ বুলিয়েই পাৰি জানো কব
তোমাক মোৰ গোপন কথাটি ?
সময়বোৰ তেনেকৈয়েই উকলিল ।
ব্যস্ততাৰ ৰহস্যময়তাত
দুই ওঁঠতে সীমাবদ্ধ হয় ।
অজানিতে পৰে
হৃদয়ত হৃদয়ৰেই কোঠাৰঘাত ।

-

শৰৎ

সুকোমল পুৱাতে
শেৱালিৰ দলিছাত
মতলীয়া কৰে মন ,
এৰি থৈ অহা
সোণোৱালী দিনবোৰ
কাহানিবাই পৰিলে চন ।
এই ক্ষণ
নহয় মাতাল হোৱাৰ ,
এই ক্ষণ
নিজকে সান্তনা লোৱাৰ ।
তথাপি ভাল লাগে
শৰৎৰ প্ৰতিটো দিন ,
গাভৰু প্ৰকৃতিৰ মোহনীয় ৰূপত
মনবোৰ হয় অৱশবিহীন ।

-

কবিতাক এব্বাৰ ভাল পাই চোৱা !
কবিতাক এব্বাৰ ভাল পাই চোৱা
মাথোঁ এব্বাৰ ,
তুমি আজীৱন
তেওঁৰে প্ৰেমিকা হৈ থাকিবা ,
য'ত আছে নিঃস্বাৰ্থ,
নিঃসন্দেহে অকৃত্ৰিম ভালপোৱা । ( 02/10/21)
কবিতাই মিছা কথা নকয় ,
চেনেহৰ শিকলিৰে
নিৰ্বিকাৰ মনোভাবেৰে
মাথোঁ দুখ- সুখৰ সমভাগী হয় ।
কবিতাক এব্বাৰ ভাল পাই চোৱা
মাথোঁ এব্বাৰ ,
হৃদয়ৰ বাৰ্তালাপেৰে
হাতত হাত থৈ
দুচকুত পোহৰ সিঁচিব ,
সৌন্দৰ্যৰ দুৱাৰ খুলি
অন্য এখন পৃথিৱীত
সন্তুষ্টিৰে মন ভৰাই তুলিব ।
নতুনত্বৰ গানৰ সুৰে
শুকুলা ডাৱৰৰ দেশে দেশে ,
পাহাৰে, ভৈয়ামৰ প্ৰতিটো কোণত
কবিতাই প্ৰাণ পাই উঠিব ,
প্ৰতিশ্ৰুতিৰ এনাজৰীৰে
আজীৱন নিবিড় সান্নিধ্যত
জীৱন জ্যোতিষ্মান হৈ ৰ'ব ।

-

মই মোৰ দৰেই হ'ব বিচাৰো ,
মই মোৰ দৰেই থাকিব বিচাৰো ।
নিবিচাৰো ,
কোনোবা প্ৰতিভাৱান কিম্বা
সমৃদ্ধিশালী ব্যক্তিৰ লগত চেল্ফি উঠি
নিজৰ চিনাকী দিবলৈ ।
নিবিচাৰো আনৰ ভৰিত ধৰি
নিজৰ প্ৰতিপত্তি বঢ়াই
বিজয়ৰ শ্লোগান পাবলৈ ।।
নহওঁ মই আনৰ দৰে
মই মোৰ দৰেই থাকিম ,
সত্যৰ পথত ,
সামৰ্থ্যৰ সাকোঁৰেই বগাম ।
কোনোবাই সেও প্ৰতিপন্ন কৰি
ইতিকিং কিম্বা তাচ্ছিল্যৰ ধ্বজ্বা
উৰুৱাব বিচাৰে ,
বিচাৰক কোনো কথা নাই
হাঁহি হাঁহি গ্ৰহণ কৰিম
তথাপিও
কিন্তু মই মোৰ দৰেই থাকিম ।

01/10/21

-

" সপোন "

সপোন ! সপোন ! সপোন !!
নানাৰঙী জীৱনৰ সপোন ....
পূৱত প্ৰত্যুষৰ আশাই
দুখৰ আন্ধাৰ ঠেলি
উদিত হয় মনাকাশ
অন্তৰ্ধান হয় মনৰ উদাস ।

তুমি সপোন !

আৱেগ অনুভূতিহীনতাত
তোমাৰ প্ৰৱেশ ,
হেঁপাহৰ সপোন পূর্ণতাত
ঘটে সুখৰ সমাৱেশ।
হেৰাই নাযাবা তুমি
এন্ধাৰৰ দিগবলয়ত ....,
নাহিবা ....
তুমি হৃদয়ৰ বন্দীশালৰ
এক নীৰৱ উচুপনিৰ ৰূপ লৈ ,
নহ'বা .....
তুমি সপোন আধৰুৱা
অনন্ত কাললৈ ।।

-

শুভ্ৰতাৰ চাদৰখন মেৰিয়াই
কোন সৌৱা দুৱাৰমুখত আছে ৰৈ ?
তলসৰা শেৱালিৰ দলিছাত
খোজ দিয়াৰ মানসেৰে এটি ভৰি থৈ ?
হয়তো !
শাৰদী ৰাণী তাই
দুৱৰীত মুকুতা গাঁঠি ,
আহি নিচেই কাষত
কঁহুৱাৰ লয়লাস ভাঁজত
নাকত শেৱালিৰ সুঘ্রাণ সানি ।

-