Tum door chali jaati ho,
To theek hone lagta hoon,

Tum yaad bhi aati ho,
Tu khud bhulane lagta hoon;

Takleef be-intehaa hoti he,
Jab tum waapis aa jaati ho,

Khud ko bhul jaata hoon,
Aur
Tum me khone lagta hoon...

Marte-marte jeeta tha, fir
Jeete-jee marne lagta hoon...

-

Bas dekhne mujko kareeb se,
Tu aati thi mere dar pe,
Laati thi saath apne,
Chaai bana k apne ghar se;

Yaad karta hu kabhi un dino ko,
To lagta he, ki kaash...
Wo waqt wohi ruk gaya hota;
Aur jo haqiqat bana hi nahi kabhi,
Wo khwaab wohi toot gaya hota.

-

Soch kar dar lag raha he;

Kal se mere baju wali seat
Bus me khali rehne wali he,

Magar achha he, hamare door rehne se,
Baki logo ko thodi, saanti milne wali he;

Waise to hum, akele bhi Superstars hi he, magar
Kal se, wo jodi wali feel nahi rehne wali he;

Saath the, to kamaal hi the,
Ab thodi si akele me,
Pareshaani rehne waali he;

Magar, mausam badlega,
Uske baad patjad ke aate hi,
Hariyali kahaa rehne wali he?

Kamas kam,
Khushi is baat ki he, ki dhong ke rivaazo ke bich,
Door rehte hue bhi, hamari dosti salamat rehne wali he.

-

Kadam rakha paani ke ghere pe,
To silvate badal gayi;

Mera waqt kya zara sa badla,
Meri to taqdeer hi badal gayi;

Haath pe chot aayi thi,
Maamuli sa dil par zakham tha,
Dekhte hi dekhte, meri to
Kismat ki rekhaye badal gayi;

Kaha tha maine, ki me aaunga,
Mera... thoda sa intezaar karna,
Muje, aane me thodi der kya hui,
Uski to surname hi badal gayi.

-

Manzeel ke kareeb
Pahochne ki chaah me,
Har naavik bich
Majhdhar me khada he;

Pata nahi kyu,
Magar is saher me,
Sabhi ko gham paalne ka
Shaukh bahut bada he.

-

Gila ho bhi agar
To kisi ko sunana mat,
Aasu aaye bhi to
Chupa lena, dikhana mat;

Tu chahta hai na ki
Wo tere pas rahe,
To Muhobbat karte rehna
Bas, usko batana mat...

#jasn-pz

-

Sabko dhundhte dhundhte,
Khud,
Kahi kho gaya hoon main;
Waise to, Gila nahi kisi se,
Ye to, bas,
Baaris me thoda sa
Gila ho gaya hoon main...

-

Baarish ki fitrat bhi
Teri narazgi jaisi he;

Ghar pahochte hi
Barasne lagti he aur
Ghar se niklu to
Khatm ho jaati he...

-

Ab jeetne par bhi dil khush nahi hota,
Itna to samaj me aa gaya hai ki,
Jo haar chuke he hum,
Wo jeet se bhi zyada keemati tha...

Muskura dete he, thoda hans lete he,
Magar wo wali baat nahi fir bhi,
Jaan shayad uske andar basi thi,
Jiske paas sukoon hamara girvi tha...

-

Maana ki thoda sa natkhat hu magar,
Me hargiz hi kamzarf nahi;

Dil me jo he, wohi aksar zubaan pe he,
Iske ilaava muje koi harf nahi;

Pasand na aaya jo,
Usey door kiya khud se,
Uske khilaaf baki koi aag nahi;

Maana ki kirdaar mera rangeen he,
Magar, daaman me mere
Fir bhi koi daag nahi.

-