ਖ਼ੁਦਾ ਨੇ ਬਣਾਇਆ ਹੈ
ਮੈਂ ਕਾਲੇ ਰੰਗ ਵਿਚ ਹੀ ਖੁਸ਼ ਹਾਂ,
ਕਿਉਂ ਕਿ ਮੈਨੂੰ ਖ਼ੁਦਾ ਨੇ ਬਣਾਇਆ ਹੈ।
ਮੈਂ ਦੋ ਡੰਗ ਦੀ ਰੋਟੀ ਖਾ ਕੇ ਹੀ ਖੁਸ਼ਨਸੀਬ ਹਾਂ,
ਕਿਉਂਕਿ ਸਬਰ ਕੁਦਰਤ ਨੇ ਸਿਖਾਇਆ ਹੈ।
ਮੈਂ ਸਾਦੇ ਕੱਪੜੇ ਪਾ ਕੇ ਵੀ ਮਹਾਨ ਹਾਂ,
ਕਿਉਂਕਿ ਕਿਸਮਤ ਨੂੰ ਤਾਂ ਹੱਥਾਂ ਦੀ ਮਿਹਨਤ ਨੇ ਬਣਾਇਆ ਹੈ।
ਮੈਂ ਮੁਸ਼ਕਿਲਾਂ ਤੋਂ ਨਹੀਂ ਡਰਦਾ,
ਕਿਉਂਕਿ ਜ਼ਿਆਦਾ ਤਜ਼ੁਰਬੇ ਨੇ ਹੋਰ ਤਜ਼ੁਰਬੇਕਾਰ ਬਣਾਇਆ ਹੈ।
ਮੈਂ ਅੱਗੇ ਅੱਗੇ ਚੱਲਦਾ ਜਾਂਦਾ ਹਾਂ,
ਕਿਉਂਕਿ ਅੱਗੇ ਦੇ ਰਸਤੇ ਨੇ ਮੈਨੂੰ ਬਹੁਤ ਕੁਝ ਸਿਖਾਇਆ ਹੈ।
ਮੈਂ ਹਰ ਕਿਸੇ ਦੇ ਸਾਹਮਣੇ ਸੱਚ ਰੱਖਦਾ ਹਾਂ,
ਕਿਉਂਕਿ ਸੱਚ ਨੇ ਬੇਫ਼ਿਕਰ ਹੋ ਕੇ ਸਮਾਂ ਲੰਘਾਇਆ ਹੈ।
ਮੈਂ ਜਾਤ - ਪਾਤ, ਰੰਗ -ਭੇਦ, ਵਹਿਮਾਂ ਵਿੱਚ ਵਿਸ਼ਵਾਸ ਨਹੀਂ ਰੱਖਦਾ,
ਕਿਉਂਕਿ ਸਭ ਨੂੰ ਇੱਕੋ-ਇੱਕ ਖੁਦਾ ਨੇ ਬਣਾਇਆ ਹੈ।-
Instagram - jass_bhullar53
For more poetry