Paid Content

-

অহংকাৰী মানুহে মৰম,আব্দাৰ আৰু অভিমানৰ কথা নুবুজে কেৱল মই বৰ ধাৰণাতে মৰি থাকে। সেই মানুহে সঁচা ভালপোৱাখিনিকো অৱহেলাত পুতি অহংকাৰত মজি থাকি হেৰুৱাই পেলাই সকলো। কিন্তু সকলো দোষ ভালপোৱাজনলৈ যায়, অভিমান কি আনক কৰা যায় কোৱা?

-

ভিৰৰ মাজত থাকিও আমি পাহৰি যাব পৰা নাই ভিতৰৰ ‌খালি মানুহটোৰ/মানুহজনীৰ কথা।
"যি হ'ব দেখা যাব" বুলি কৈ অনিশ্চয়তাৰ ৰাতিবোৰ পাৰ কৰোঁতে হয়তো বহুতেই ক'ব নোৱাৰিব এবাৰলৈকো গাৰু মুখত দি চিঞৰি উঠা নাই।"ভালে থাকিব লাগিব মই" বুলি চকুবোৰ মোহাৰি ওঁঠ কামুৰি তলমূৰকৈ বহি থাকি বহুতেই পাৰ কৰিছে বহুত সন্ধিয়া। হঠাৎ সুখী তাই/সি পাছতেই ৱাটছএপত যে লিখিছে "mental peace is all I want".
"আৰু অকনমান মৰম যত্ন লাগে "বুলি ক'ব নোৱাৰি খঙটো বাঢ়ি গৈ থাকে মানে সম্পৰ্কবোৰৰ দূৰত্ব আহি পৰে।মতলবি বুলি ভাৱি আতঁৰি যোৱাবোৰে নাজানে খুলি ‌নোকোৱা কথাবোৰতো কেতিয়াবা আব্দাৰ থাকে।
আৱেগিক মানুহবোৰে নিজৰ দৰে কাৰোবাক বিচাৰি পোৱাতো সৌভাগ্য।অন্যথা জীৱনবোৰ ফলাফল নোলোৱা পৰীক্ষাবোৰৰ দৰে হৈ পৰে। তথাপিও "এদিন ভাল হ'ব" এই আশাতেই জীৱনবোৰ চলি থাকে।

-

"আৰু অলপ আন্ধাৰ হওঁক।"

-

তুমি বসন্তৰ আহ্বান কৰোঁতে মোৰ দুহাতত লাগিয়ে থাকিল শীতৰ দুপাত মোজা,
মই পুৰণিত উলমি থকা মানুহ।
তুমি চাব পাৰা,
মোৰ ভালপোৱাতো থাকি গৈছে সেই একেই আদিমতা।

-

তুমি ভালপোৱাৰ কথা কোৱা
মই জীৱনৰ,
তুমি অসুখৰ কথা কোৱা
মই ক'ম সুখৰ,
অৱশেষত
আমি একেলগে সংগ্ৰামৰ কথা ক'ম
এই জীৱনটোৱেই অন্যৰকমৰ।

-

অভিযোগ যদি শেষ নহয়
ভালপোৱা কেনেকৈ বুজিবা!

-

পোহৰ বিচাৰি ফুৰা কিছু মানুহৰ বাবে ৰৈ থাকে অস্থিৰ বৰ্তমান আৰু অনিশ্চয়তাৰ ভৱিষ্যত তথাপিও জীৱনক ভাল পাই ,জী থাকে মানুহ ❤️

-

প্ৰতিজন নৈ ভালপোৱা মানুহেই ভিতৰি একোটা মৰাসুঁতি ,
তাৰ পাছতো নদীলৈ অত মোহ ।❤️

-

নিজে তৈয়াৰ কৰি লোৱা দুখৰ খোলাটোৰ পৰা একমাত্ৰ নিজেহে নিজক ওলিয়াই আনিব পাৰি বাকী সকলো মিছা।দুখবোৰ আৰ্জি লোৱা , যিদৰে সুখখিনি 🥀

-