ମତେ ଏ ଯାଏଁ କୋଉ ଇମୋଜୀ ର
ଅର୍ଥ କଣ ଜଣା ନାହିଁ
ଆଉ ମୁଁ କାହାର ମନ କଣ ବୁଝିବି ?

-

ପୁଅଟେ କାନ୍ଦିଲେ
ସମସ୍ତେ ତାକୁ ଦୁର୍ବଳ ବୋଲି ଭାବନ୍ତି,
ସେଇ ଡରରେ ଅନେକ
କାନ୍ଦିବା କଣ ବି ଭୁଲିଯାଆନ୍ତି ll

-

ପ୍ରତିଦିନ ବରଷିବି ବରଷିବି କହି
ଚାତକୀକୁ କନ୍ଦେଇବା ଅପେକ୍ଷା
ବରଂ
ମେଘ ; ଆକାଶରେ ଲୁଚିଯିବା ଭଲ,
ଅନ୍ତତଃ
ଚାତକୀ ପଚାରିବନି ତ କେବେ
ଭଲ ପାଇ ମତେ କ'ଣ ଦେଲ ?

-

କାହାକୁ ଆଶା ଦେଖେଇ
କନ୍ଦେଇବା ଅପେକ୍ଷା
ବରଂ
ନିଜେ ଟିକେ କାନ୍ଦିଦେବା ଭଲ ll

-

ତୁମେ ଗତ ରାତିର ସ୍ବପ୍ନ ଟିଏ ହୁଅନା
ରାତି ସରିଗଲେ ସ୍ବପ୍ନ ସରିଯିବ,
ବରଂ
ରକ୍ତ ଟୋପେ ପାଲଟି ଯାଅ
ମୋ ହୃଦୟର ଅଳିନ୍ଦରୁ ନିଳୟ
ନିରନ୍ତର ବୋହୁଥିବ ll

-

ମିଛ ଆଶା ଦେଇ
ସ୍ବପ୍ନ ଦେଖେଇବା ଅପେକ୍ଷା
ବରଂ ସେ ପକ୍ଷୀଟିକୁ
ବାସ୍ତବତାର ପରିଚୟ ଦେଇ
ଉଡ଼ାଣ ଭରିବାକୁ ଛାଡ଼ିଦେବା ଉଚିତ l
ତାର ଉଡାଣରେ ଯୋଉ ଖୁସି ମିଳିବ
ତାକୁ ବନ୍ଦୀ କରି ରଖିବାରେ ନାହିଁ.... l

-

ଦୁନିଆରେ
ଲୁହା ଠାରୁ ଲୁହର ଓଜନ ବେଶୀ,
ନିଜ ଲୋକ ପାଇଁ
ନିଜ ଲୋକଟି ହିଁ ହୁଏ ଦୋଷୀ ll

-

ଇଚ୍ଛା ସବୁ ମରୀଚିକା
ଚାଲୁଥାନ୍ତି ଏକା ଏକା
ଗୋଟିଏ ମିଳିଲେ ଦେଖା
ଅନ୍ୟଟି ଲାଗଇ ଫିକା ll

-

ତମେ ବାୟୁ ତମେ ପାଣି
ତମେ ଛାତ ତମେ ଛାତି,
ତମେ ନଶୁଣି ସବୁ ପାର ଶୁଣି
ତମେ ଜାଣ ସବୁ ଲୁହ ସବୁ ରାତି ll

-

ତୁମେ ଚିକ ମିକ ନୀଳଜହ୍ନ
ମୁଁ ନୂଆ ପ୍ରେମିକର ମନ,
ତୁମେ ରଜ ବନାରସୀ ପାନ
ମୁଁ ଭୂଇଁ ଡହଣର ଦିନ ll

-