Mann chup chup aahein bharta hai,
Jab teri aankhein padta hai,
Yun halke se jab iss dil mein,
Aahista prem ubharta hai
Aur phir tere hi naam ke,
Qaside hriday mein chalte hai
Yun sapne apni aankhon mein,
Phir qishton mein palte hai
Phir wahi kahaani aati hai,
Jahaan prem athaah hojata hai,
Samaya nahi jaa pata hai,
Aur phir thukraya jaata hai
Jab prem nahi apnaye woh,
Jispe prem lutaya jaata hai,
Tab uski yaadon mein rehkar hi,
Usey bhulaya jaata hai...
-