મારી વાતો બધી સુહાની લાગશે
એક સમય પછી કહાની લાગશે

એમ રૂઝાતા નથી ઘા લાગેલા પ્રેમના અહીં
પ્રિય પાત્ર થકી જરૂર ઘાવ ભરવાની લાગશે

હજાર ઉપાય પછી ન મટે દર્દ ક્યારેક તને
જો મટે દર્દ તો અસર મારી દુવાની લાગશે

આમ યાદો હોય છે કઠણ કોઈક કોઈકની
એ અંતે ભૂલવા માટે જરુર મરવાની લાગશે

- Badnam" कृष्णार्पण"

-

....

-

કંઈ કરવાં ધાર્યું છે તો કરવું બાકી મૂંઝાવું નહિ
પગલું ભર્યું તો હજુ ભરવું બાકી મૂંઝાવું નહિ

કરો કર્મ સારા કે ખરાબ મને નથી વાંધો
કોઈ જોવે છે એ વાતથી ડરવું બાકી મૂંઝાવું નહિ

કૈંક નરપતિ ભૂપતિ આવ્યા ને ગયા જગતમાં
બધાએ તો એક દી મરવું બાકી મૂંઝાવું નહિ

હોઈ કાળજાના કઠણ ક્યારેય રડતાં નથી
મૂંઝાઈ હૈયું તો ક્યારેક રડવું બાકી મૂંઝાવું નહિ

ભલે હોય ગમે તેવો અમીર ,પ્રતિષ્ઠિત કે માલદાર
ખાલી મા બાપ પાસે કરગરવું બાકી મૂંઝાવું નહિ

હોય જો સંમતિ સાથે જીવવા મરવા સુધીની બદનામ
એવાંના પ્રેમમાં જ પડવું બાકી મૂંઝાવું નહિ

- Badnam (कृष्णार्पण)

-

ખબર નહિ રચાતી એ કલાકારી ક્યાં ગઈ?
ગુંથતો એ શબ્દોની અદાકારી ક્યાં ગઈ ?

તારા ગયા પછી બસ એટલી ખામી છે
હતી જે પાસે મારી એ સુખાકારી ક્યાં ગઈ?

- Badnam ( कृष्णार्पण)

-

.....

-

....

-

ગયા પછી ભૂલવા બાપુ અઘરું છે હો
અન્ય સાથે મુલવા બાપુ અઘરું છે હો

અઢળક પાપ કરવા ,દોષ માથે ઓઢવો
સામેથી કબુલવા બાપુ અઘરું છે હો

જાણે છે બધુ કે સામે કોણ કેવા છે
છતાં ઘા જીલવા બાપુ અઘરું છે હો

હદય ક્યાંય ખોલે નહિ બચી બચી હાલે
એના ચોપડા ખુલવા બાપુ અઘરું છે હો

આખી જિંદગી કમાઈ બાળકોને પરણાવે
બાપ થઈ પ્રસંગ ઉકેલવા બાપુ અઘરું છે હો

-

આખુ મહાભારત ખેલાયું તાસનાં લીધે
બીજું સભામાં બેઠેલી જીવતી લાશનાં લીધે

પ્રયત્ન કર્યો હતો સર્વેકોરથી સમાધાનનો
પછી તો ધમાસાણ થયું ખૂની પ્યાસનાં લીધે

કંઇક નરવીર,શુરા સોત હરાવ્યા અર્જુને
સાથ કૃષ્ણનો ને બીજું એના અભ્યાસના લીધે

નામથી ગુણ હોય તો હતો યુવરાજ સુયોધન
દુર્યોધન થયો છે એના સંસ્કાર નાશનાં લીધે

આ ઉપકાર ક્યારેય નહી ભુલાઈ મુનિશ્રી
બદનામ કહે ગીતા મળી ઋષિ વ્યાસનાં લીધે

-Badnam (कृष्णार्पण)

-

....

-

જિંદગીમાં એક જણ સાવ અલગ હોય
થતો એના સાથેનો લગાવ અલગ હોય

આપે અઢળક સિતમ ડગલે ને પગલે
પ્રેમીને પૂછો પ્રિતમના ઘાવ અલગ હોય

હોતું કશું નથી અમુકમાં કાઢી લેવાનું
છતાં જે ખાઈ એ ભાવ અલગ હોય

હરએક ઉતરે અહી પાડી દેવાની શરતે દોસ્ત
જિંદગીની રમતમાં ખેલાય એ દાવ અલગ હોય

મથે છે કેટલુંય કેહવાને લાગણીનો ધોધ
છૂટા પડતી વેળાએ ભરાવ અલગ હોય

માંગે છે કુદરત પાસે  બધા હાથ ફેલાવી બદનામ
ફર્ક છે એટલો માણસે માણસે રાવ અલગ હોય

-Badnam (कृष्णार्पण)

-