Zindagi se Adeeb ka mahz yahi sawaal hai,
Aziyyatei'n ye Jahaan ki, Ye kaisa zawaal hai
Kya hi kisi k jurm or kya hi kisi ko malaal hai
Daulat hi to mahz ab yaha'n ka jamaal hai
Kon shakhs kar raha apne zameer se sawaal hai
Durust karei'n duniya ko, khud ko koi majaal hai
Jidhar nazar uthaayei'n udhar koi vabaal hai
Koi kahi'n sar sabz ho to wo ek kamaal hai
Rashk, Tilism, Tapish, vabaa, zadd or kaal hai
Daa'imi tishnagi or iske ikhtitaam ka visaal hai
Koi kahe yahi jahaan hai, koi kahe ye jaal hai
Haqeeqat mei'n ye ek dozakh ki misaal hai!
-