-

பரிகாரம் / விமோசனம்

கோழியோ ஆடோ
கொன்று தின்னு
ஒருநாள் முழுக்க....

மறுநாள்
வீடு துடைத்து
விளக்கு வைத்து
குளித்து விட்டு
துவைத்த ஆடையை
தூய்மையாய் அணிந்து
கும்பிடு சாமி...

மனம் மட்டும் இருக்கட்டும்
அப்படியே....
மறுபடியும்
கொல்ல வேண்டும் அல்லவா...

மனிதன்
🤔😒😒

-

எதுவும் நாளை மாறலாம்
இன்று எப்படியேனும்
இரு உயிரோடு...

-

"வேலைக்குச் செல்லவில்லை"
என
சொல்ல மறந்தேன்,
அன்றாடம் எழுப்புகிறது
அதிகாலை அலாரம்...

-

கண்ணீர் என்பது மொழியானால்
புரியாமல் போவது ஏனோ !
இது எவ்வித பிழையாம்?

-

தெளிவான வானம்தான்
தெளியவில்லை ஏனோ
குழப்பத்தின் சுவடுகள்

-

ஒரு அகதியைப் போல
எதைத் தேடுகின்றன?
உதிர்ந்த இலைகள்

-

ஹைக்கூ

நவீனக் கொத்தடிமைகள்

கற்றது மறந்து
கைவிலங்கில் சிக்கினான்
நவீனக் கொத்தடிமை

-

ஹைக்கூ

இரவு வந்தப் பின்னும்
பகல் தீரவில்லை
மனதின் நினைவில்...

-

நிலவும் இல்லை
நிலவும் இருட்டில்
நிழலும் இல்லை
நீதியும் இல்லை

காயும் வயிற்றுக்குக்
கஞ்சியும் இல்லை
வேகும் மனதுக்கு
வியர்வையும் இல்லை

எங்கோ மிதக்கும் மேகம்
நீரின்றித் தீராத தாகம்
இருந்தும் மனதிலொரு பாகம்
நம்பிக்கையில் எடுக்கிறது வேகம்

-