Teri ek tasveer kheenchhi thi maine, ab wahi tasveer kheenchti hai mujhe

-

Bahut nazdeek aati ja rahi ho, bichhadne ka iraada kar liya hai kya?

-

Ae Allah!
Jo mere muqaddar mein nahi likha
us ki koshish aur tamanna mein mujhe mubtala na karna
Aur jo mere taqdeer mein likh diya hai
usay mere liye aasan kar dena.

-

us ke chehre ki chamak ke saamne saada laga, asmaan pe chand poora tha
magar aadha laga

-

Udaas shayari karna mera zauq hai aur khush mizaaj rehna mera shock hai.

-

Nigaah ka adil woh shakhs hai
jise doosron ki maa, behen, beti mein
apni maa, behen, beti nazar aaye.

-

Agar tum yeh jaan’na chahte ho ke ladki haqiqat mein kya kehti hai,
toh us se baat nahi,
balke uski aankhon mein dekho.

-

Teri dehleez pe hoon, sab se alag baitha hoon
Deen se door, na mazhab se alag baitha hoon
Teri dehleez pe hoon, sab se alag baitha hoon

Bazm-e-habab mein haseel na hua chain mujhe
Mutma’in dil hai bohat, jab se alag baitha hoon

Ghair se door, magar uski nigaahon ke qareeb
Mehfil-e-yaar mein us dhaab se alag baitha hoon

Dhang ki baat keh koi toh bolun main bhi
Matlabi hoon, kisi matlab se alag baitha hoon

Yahi maslak hai mera, aur yahi mera maqam
Aaj tak khwahish-e-mansab se alag baitha hoon

Mera andaaz, Naseer, ahl-e-jahan se hai juda
Sab mein shaamil hoon, magar sab se alag baitha hoon

Deen se door, na mazhab se alag baitha hoon
Teri dehleez pe sab se alag baitha hoon
Main sab se alag baitha hoon.

-

Aurat ke baare mein yeh hi kaha jata hai…
tum usay khoobsurat kaho, woh khoobsurat hoti chali jayegi.
Tum usay acha kaho, woh achi se achi hoti chali jayegi.
Tum usay humdard, rahemdil, ghar ka khayal rakhne wali kaho
aur hass kar qurbani dene wali kaho, woh aise hi banti chali jayegi.
Magar jab tum us mein aib nikalte ho
aur chhoti si ghalti ko bohat bara chadha dete ho…
Us ke libaas, khane peene mein
aur roz marra ke kaam mein aib nikalna shuru kar dete ho,
aur usay zehni mareez banana shuru kar dete ho…
Phir woh har din ko apni zindagi ka aakhri din samajhne lagti hai.
Toh phir khud socho, woh us ghar ki aane wali 20 saal ki kaise mansooba bandi kar sakegi?

-

Mera khayal hai ke..
Agar kisi ke saath rehna hai, to
us se thoda door door rehna chahiye.

-