ಸಿಗಬಾರದೇನೆ ನೀನು ಮೊದಲೇ ನನಗೆ
ಸೆರೆಯಾದೇ ನಾನು ಹೀಗೇಕೆ ನಿನಗೆ
ಎದೆ ಉಸಿರ ಮೇಲೆ ಮಲ್ಲಿಗೆ ಕಂಪನು ಚೆಲ್ಲಿ
ಮನದ ಊರೊಳಗೆ ನಿನ್ನ ಹುಡುಕಲಿ ಎಲ್ಲಿ
ಓ ಕಾವ್ಯ ಕನ್ನಿಕೆ... ಕನಸೂರ ಕಾಣಿಕೆ...
ಈ ಜೀವ ಭಾವಕೆ.. ಅನುರಾಗ ವೇದಿಕೆ..

ಸಿಗಬಾರದೇನೆ ನೀನು ಮೊದಲೇ ನನಗೆ (ಪ)

ಒಲವಿನ ಪಯಣವು ಸಾಗಿದೆ ನೆನಪುಗಳ ಬೀದಿಯಲ್ಲಿ
ನಸುಕಿನ ನಗುವು ಅತಿಯಾಗಿದೆ ಅರಿಯದ ನಶೆಯಲ್ಲಿ
ಮೆಲ್ಲನೆ ಅರಳಿದ ಭಾವನೆಗೆ ನೀನು ಕಾರಣವೇನೆ
ಒಂಟಿ ನಗುವಿನ ಕನ್ನಡಿಯಲ್ಲಿ ಮಾತುಗಳೆ ತೋರಣವೇನೆ
ಕಿರು ಬೆರಳ ಹಿಡಿದು ಬಹು ದೂರ ನಡೆಯುವಾಸೆ
ಈ ಬೊಗಸೆ ಕೈಯಲ್ಲಿ ನಿನ್ನ ಚೆಲು ಮೊಗವನ್ನು ಹಿಡಿಯುವಾಸೆ
ಪರಿಚಯವಿಲ್ಲದ ಪದಗಳ ಹುಡುಕಿ ತುಸು ಪೋಣಿಸಲೇ
ಮುತ್ತಿಡುವ ಮುಂಗುರಳನು ಸರಿಸಿ ಚೂರು ಮುದ್ಧಿಸಲೇ
ಓ ಕಾವ್ಯ ಕನ್ನಿಕೆ... ಕನಸೂರ ಕಾಣಿಕೆ...
ಈ ಜೀವ ಭಾವಕೆ.. ಅನುರಾಗ ವೇದಿಕೆ..

ಸಿಗಬಾರದೇನೆ ನೀನು ಮೊದಲೇ ನನಗೆ (ಪ)

ಮೃದು ಮನಸಿನ ಮಲ್ಲಿಗೆ ಸನಿಹ ಬರುವೆಯ ಮೆಲ್ಲಗೆ
ಮಳೆಬಿಲ್ಲ ಚೆಲುವೆ ಇರಿಸು ನಾಚುವ ಮೊಗವನು ನಾಳೆಗೆ
ತಂಗಾಳಿ ತೀಡಿ ಕೇಳಿದೆ ಒಲವೇ ರಮಿಸುವ ಸಮಾಚಾರ
ಮುಸ್ಸಂಜೆ ವೇಳೆಲಿ ಬಗೆಹರಿಸು ಬೇಗನೆ ಮುತ್ತಿನ ಉಪಚಾರ
ಇರಬೇಕು ಕೊನೆವರೆಗೂ ಹೀಗೆ ಅಪ್ಪುತ ನಿನ್ನೊಂದಿಗೆ
ಪ್ರತಿ ಕ್ಷಣವೂ ಕಳೆಯಬೇಕು ನಿನ್ನ ನೆನಪೊಂದಿಗೆ
ಬಡಪಾಯಿ ಹೃದಯದಲ್ಲಿ ಹೊರಟಿದೆ ಭಾವನೆಗಳ ಬರವಣಿಗೆ
ಬದುಕಿನ ಬವಣೆಯಲಿ ಸಾಗುತಿದೆ ಪ್ರೀತಿಯ ಮೆರವಣಿಗೆ
ಓ ಕಾವ್ಯ ಕನ್ನಿಕೆ... ಕನಸೂರ ಕಾಣಿಕೆ...
ಈ ಜೀವ ಭಾವಕೆ.. ಅನುರಾಗ ವೇದಿಕೆ..

-

ಹೆಂಡತಿ ಭಯದ ಮುಂದೆ ಯಾವ
ದಿವ್ಯೌಷಧಿ ನು ಕೆಲಸ ಮಾಡಲ್ಲ ಗುರು..

-

ನೀ ಒಮ್ಮೆ ಮಾತಾಡಿಸು
ಎದುರು ಬಂದಾಗ
ಪಿಸುಮಾತಲೆ ಪೀಡಿಸು
ಸನಿಹ ನಿಂತಾಗ
ಕದ್ದು ನೋಡುವ ಹೊತ್ತಿನಲಿ
ನಸು ನಾಚಿಕೆಯ ಹೊಸ್ತಿಲಲಿ
ಉಕ್ಕುವ ಭಾವನೆ ಉಲ್ಬಣ
ಅರಿಯದ ಹೃದಯ ತಲ್ಲಣ..!!

-

ಖಾಲಿ ಕೆನ್ನೆಯ ಖಯಾಲಿ
ಕನಸು ಕಾಣೋದು ಮಾಮೂಲಿ
ಮುಖದ ಮೇಲೆ ಮುಂಗುರುಳ ವರಸೆ
ನಾಲ್ಕು ಬೆರಳಲಿ ಚೂರು ಸರಿಸೆ
ಕಿರು ನಗೆಯ ಮುನ್ನೋಟ
ಎರಡು ಕಂಗಳ ಸೆಣಸಾಟ
ನಡೆದಿದೆ ಒಲವು ಜೋರು
ನಿನ್ನುಸಿರು ಕಳಿಸು ಚೂರು..!!

-

ಅಪರೂಪಕ್ಕೆ ನೋಡುತ್ತ ಕುಳಿತಿದ್ದೆ ಐಪಿಎಲ್ ಕ್ರಿಕೆಟ್
ಮಡದಿ ಎದುರುಗಡೆ ತಂದಿಟ್ಟಳು ವಗೆದಿರುವ ಬಟ್ಟೆಯ ಬಕೆಟ್
ಹೊರಗಡೆ ಒಣಗಿಸಲು ಹೇಳಿ ಕಣ್ಣಲ್ಲೇ ಬಿಟ್ಟಳು ರಾಕೆಟ್
ಆದರೆ ಹೋಗಿದ್ದು ಮಾತ್ರ ನನ್ನದೇ ವಿಕೆಟ್..!!

-

ಬರಿ ಗುರುವೇ...

-

ಸಂಜೆಯ ಸನಿಹಕೆ
ಕಣ್ ಸನ್ನೆಯ ಮೋಹಕೆ
ಕರಗದೆ ಇರಲಿ ಹೇಗೆ
ನೀ ಹಬೆಯಾದಾಗ ಹೀಗೆ..
ಬಿಸಿ ಉಸಿರಿನ ತವಕ
ಹಸಿ ಕನಸಿನ ಕೌತುಕ
ತಬ್ಬದೆ ಇರಲಿ ಹೇಗೆ
ನೀ ಸೆಳೆಯುವಾಗ ಹೀಗೆ..
ಹೃದಯದ ಗಾಯಕೆ
ಅನುರಾಗದ ವೇದಿಕೆ
ಭಾವನೆ ತಡೆಹಿಡಿಯಲಿ ಹೇಗೆ
ನೀ ಚುಂಬಿಸಿದರೆ ಹೀಗೆ..!!

-

ಮುಂಗುರುಳು ಜಾರಿ ಕೆಳಗೆ ಇಳಿಯುವಾಗ
ತೋರು ಬೆರಳು ಅದಕೆ ಸೋಕುವಾಗ
ಖಾಲಿ ಕೆನ್ನೆಯ ಮೇಲೆ ಮಚ್ಚೆ ಕಾಣುವಾಗ
ಕೆಂದುಟಿಯು ಮೆಲ್ಲನೆ ಮುಗುಳು ನಗುವಾಗ
ಪರವಶನಾದೆ ಪದಗಳಲ್ಲಿ ನಿನ್ನ ಹುಡುಕುವಾಗ
ಮೂಕನಾದೆ ಪದಗಳ ಸಾಲು ಮೂಡಿದಾಗ..!!

-

ಸುಡಬೇಡ ಸುಳಿಯಲ್ಲಿ
ಕರಗುವೆನು ಕನಸಲ್ಲಿ
ಕೊಲಬೇಡ ದಿನವೆಲ್ಲಾ
ಕದಲಿಸದ ಕಂಗಳಲಿ..
ಅರಿಯದ ಅನುರಾಗಕೆ
ಒಂದೇನೇ ಕೋರಿಕೆ
ಹಿತವಾದ ಬಿಗಿದಪ್ಪುಗೆ
ಕೊಡುವೆಯ ಒಪ್ಪಿಗೆ..
ಅರಳುತಿರುವ ತುಟಿಗಳಿಗೆ
ಆಸೆಗಳು ಅರೆಗಳಿಗೆ
ಸಂಜೆಯನು ಬದಿಗಿರಿಸು
ನನ್ನನು ಸ್ವೀಕರಿಸು..!!

-

ಇದನ್ನು ನನ್ನ ಹೆಂಡತಿ ಒಪ್ಪಲ್ಲ
ಏಕೆಂದರೆ
ನಾನೇ ಕ್ಷಮೆ ಕೋರುವೆ
ನನ್ನದಲ್ಲದ ತಪ್ಪಿಗೆ
ಸಿಡುಕಿಯ ಸಿಟ್ಟಿಗೆ..!!

-