ಅಳಿದುಳಿದ ಒಲುಮೆಯ
ಹೊದ್ದು ನಡೆಯುವಾಸೆ
ಬೇಡ ಏನಲೇ....
ಒಮ್ಮೆ ಸಾಗಿ ಬರಲೇ....!

-

ಧುಮ್ಮಿಕ್ಕುವ
ಈ ಕೋಪಕೆ
ನಿನ್ನ ಆಲಿಂಗಣವೇ
ಮದ್ದು ಸಖ.

-

ಬೆಂಬಿಡದೆ ಕಾಡುವ
ನೆನಪುಗಳಿಗೆ
ನಿನ್ನದೇ ಹೆಸರಿಡುವೆ
ನೀ ಇದ್ದರೂ,
ಇರದಿದ್ದರೂ,
ನಾ ಪ್ರೀತಿಸುತಲೇ ಇರುವೆ.

-

ಪ್ರತಿ ಮುಂಜಾವಿಗೂ
ನನ್ನದೊಂದೇ ಕೋರಿಕೆ.
ಪದೇ ಪದೇ
ನಿನ್ನ ನೋಡುವ ಬಯಕೆ.

-

ನೆನಪುಗಳ
ನೆಂಟಸ್ಥಿಕೆಯಲ್ಲೇ
ಉಳಿಯುವಂತೆ
ಮಾಡಿದ್ದು
ನಿನ್ನ
ಪ್ರೀತಿಯೊಂದೆ.

-

ಅದೆಷ್ಟು ರಾತ್ರಿಗಳು ಕಳೆದವೋ,
ನೆನಪುಗಳ ತಲೆದಿಂಬಿಗೆ ಒರಗಿದ ಅವನ ಪ್ರೀತಿ,
ಚೇತರಿಸಿಕೊಳ್ಳಲೇ ಇಲ್ಲ.

-

ಎನ್ನ ಜೀವದೊಳ್ ಬೆರೆತ ಜೀವಾತ್ಮನಿಗೂ
ಜೀವಿಸುವ ಹಕ್ಕಿಲ್ಲ..
ಸಮಯ ಬಂದೊಡನೆ, ಸಾವು ಕಂಡೊಡನೆ.

-

ನಿನ್ನ ಹಾಗೇ
ನಿನ್ನ ಪ್ರೀತಿಯೂ ಕೂಡ,
ಎಷ್ಟು ಸ್ವಾರ್ಥಿಯೋ
ಅಷ್ಟೇ ಗೌಪ್ಯ.

-

ನಿನ್ನಿಷ್ಟದಂತೆ ನನ್ನಿಷ್ಟದಲ್ಲಿ
ಬೆರೆತು ನಡೆಯೋಣ ಸಖ..,
ಹಾಲಲ್ಲಿ ಬೆರೆತ ನೀರಂತೆ,
ಜೇನಲ್ಲಿ ಬೆರೆತ ಸಿಹಿಯಂತೆ,
ನಮ್ಮನ್ನು ಹೊರತು ಇನ್ನಿಲ್ಲದಂತೆ...

-

ಅಂದು.....
ಕವಯಿತ್ರಿಯ
ಕವಿತೆಯ
ಕವಲುಗಳಲ್ಲಿ
ಕುಪ್ಪಳಿಸಿದ
ಕನಸು
ಇಂದು.....
ಕವಿಯ
ಕಾಗದದಿ
ಕಾವ್ಯವಾಗಿ
ಕದಡುತಿಹುದು
ಕವಿಮನವ

-