ಉಸಿರಿಗೆ ದಕ್ಕದೆ ಕಳೆದುಹೋದ ಕವನವನ್ನ ಹೆಕ್ಕಿ ತರಲು ಭಾವನೆಗಳನ್ನ ಹಾಳಾಗುವಂತೆ ಬಿಡಬಾರದಿತ್ತು ಗೆಳೆಯ
ನವ ಚರಣಗಳಿಗೆ ಹೊಸ ಪಲ್ಲವಿ ಜೋಡಿಸಿ ಸಂಗೀತ
ಸ್ವರಗಳನ್ನ ನಶಿಸಿ ಹೋಗುವಂತೆ ಬಿಡಬಾರದಿತ್ತು ಗೆಳೆಯ

-

ಕೇಳಿರಬೇಕು ನೀವು ಸಹ, ಪ್ರತಿ ಅನ್ನದ
ಅಗುಳಿನ ಮೇಲು ತಿನ್ನುವವರ ಹೆಸರಿದೆ ಅಂತ..
ಹಂಗೆ ಪ್ರೀತಿಯು ಸಹ, ಒಲವು ಸಹ,
ಪ್ರೇಮವು ಸಹ, ಹಂಗೆ ಎದೆ ಮೇಲೆ
ಬೀಳುವ ಲೋಹದ ಗುಂಡು ಸಹ..

-

ಮಾಡಲಾರದ ತಪ್ಪಿಗೆ ಕ್ಷಮೆ ಕೇಳುವ ಮುನ್ನ ನೆನಪಿರಲಿ, ಭಾವಗಳು ಮೆಲ್ಲಗೆ ಸುಟ್ಟು ಕಪ್ಪು ಮಸಿಯಾಗಿ ಕೈ ತೊಳದರು ಹೋಗಲಾರದಂತೆ ಮನದ ಗೋಡೆ ಮೇಲೆ ಅಂಟಿಕೊಂಡು ಉಸಿರಾಡದಂತೆ ಮಾಡಿ ಬಿಡುತ್ತವೆ ಎನ್ನುವುದನ್ನ..

-

ಸರಿಯಾದ ದಾರಿಯಲ್ಲಿ ಇದ್ದೇನೆ ಎಂದು ಅರ್ಥ ಮಾಡಿಕೊಳ್ಳುವುದು ತುಂಬಾ ಕಷ್ಟವೇನಲ್ಲ ಇಲ್ಲಿ, ವಿಜೃಂಭಣೆಯ ಕುಣಿತ, ಹಾಗೂ ಸುಖದ ಸುಪ್ಪತ್ತಿಗೆಯಲ್ಲು ಸಹ ಭಾವನೆಗಳು ಜವಾಬ್ದಾರಿಯನ್ನ ನೆನಪಿಸುತ್ತಿದ್ದರೆ ಅದೊಂದು ಖುಷಿಯ ಮಾರ್ಗ..!!

-

ಮೊದಲಿನಿಂದ ಅರ್ಥವಾದರೂ ಸಹ ಆ‌ ಮಾತಲ್ಲಿ ತುಂಬಾ ವ್ಯತ್ಯಾಸವಿದೆ ಎನ್ನುವ ದೃಢತೆ ಬಂದಿದ್ದು ಈಗೀಗ ನನಗೆ, ನಾನು ಕಳೆದುಕೊಂಡೆ ಹಾಗೂ ನನ್ನನ್ನ ಅವರು ಕಳೆದುಕೊಂಡರು ಎನ್ನುವುದಕ್ಕೆ..

-

ಮನಸಿಗೆ ಹಾಗೂ ಮೈಗೆ ಅಂಟಿಕೊಂಡಿರುವ ಸುಖದ ಸಂಕೋಲೆಗಳನ್ನ ಬಿಡಿಸಿಕೊಂಡು ನಿನ್ನನ್ನ ನೀನು ಪುಸ್ತಕದಂತೆ ಓದಿಕೊಂಡು, ಬೆವರಲ್ಲಿ ಬೆಂದಿದ್ದೆ ಆದರೆ ಸಾಧನೆಗೆ ನೀನು ತುಂಬಾ ಹತ್ತಿರವಾಗಿದ್ದಿಯಾ ಅಂತ ತಿಳಿದುಕೋ..

-

ಮನವನ್ನು, ಹಿಡಿ ಒಲವಿಗಾಗಿ ಅವರ ಅಂಗಳದ ಮುಂದೆ ನಿಲ್ಲಿಸಿದಾಗಲೇ ತಿಳಿದಿತ್ತು ನನಗೆ, ನನ್ನ ಭಾವನೆಗಳ ಜೊತೆ ನನ್ನ ಯುದ್ಧ ನನಗಾಗಿ ಕಾದಿತ್ತು ಅಂತ.‌‌.

-

ವಿಶ್ವವೇ‌ ಒಂದು ಕುಟುಂಬ ಎಂದು ಸಾರಿದ ಕುವೆಂಪು ಅವರು ಹುಟ್ಟಿದ ದಿನ ಇವತ್ತು.. ಹೇಳಲೇಬೇಕು ಮನಸಿನ ಮಾತು ಬಿಚ್ಚಿ ಇಂದು ನಾನು.. ಇಂದಿಗೂ ಜಾತಿ ಪ್ರಮಾಣ ಪತ್ರದ ಆಧಾರದ ಮೇಲೆ ನೌಕರಿ/ಜಾಬ್ ನನಗೆ ಬೇಡ.. ನನ್ನ ಸಾಮಾರ್ಥ್ಯವನ್ನು ಇಟ್ಟುಕೊಂಡು ನನಗೆ ನೌಕರಿ ಕೊಡಲಿ, ಈ ಸಂವಿಧಾನದಲ್ಲಿ ಹುಟ್ಟು ಸಾಯುವ ಯಾವುದೇ ಸರ್ಕಾರವನ್ನ ಆಗ ಒಪ್ಪುವೇ ನಿಜವಾದ ಜಾತ್ಯಾತೀತ ಪ್ರಜಾಸತ್ತಾತ್ಮಕ ವ್ಯವಸ್ಥೆ ಎಂದು.. ಅಲ್ಲಿವರೆಗೂ ನನ್ನ ಸಾಮರ್ಥ್ಯ ಶೂನ್ಯ..!!..

-

ಕಣ್ಗಳಾಗಸದಿಂದ ಸುಮ್ಮನೆ ಜಾರಿದ ದುಃಸ್ವಪ್ನಕೆ ಎನೆಂದು ಹೆಸರಿಡಲಿ, ನಿನ್ನ ಒಲವೆಂದು? ಪ್ರೇಮವೆಂದು? ಅಥವಾ ಸದಾ ಸತ್ತು ಬದುಕುವ ಭಾವನೆಯೆಂದು?

-

ಆಗಾಗ ಸಿಹಿ ನೋವಿನ ಸಹನೆಯಿರಬೇಕು
ಭಾವ ದಾರಕೆ ಒಲವ ಮುತ್ತುಗಳ ಪೋಣಿಸಲು,
ಆಗಾಗ ಕಣ್ಗಳ ಮಿಲನವಾಗುತಿರಬೇಕು
ನಿನ್ನೊಳಗಿನ ನನ್ನ ನಾ ನೋಡಲು
ಉತ್ತುಂಗ ಶಿಖರದ ಅವಶ್ಯಕತೆಯಿಲ್ಲ,
ಪ್ರೇಮದ ಮಜ್ಜಿಗೆಯಲಿ ಭಾವದ ಬೆಣ್ಣೆಯ
ಕಾಣಲು, ಆಡಂಬರದ ಸೋಗು ‌ಸೊಕ್ಕೆಗಳು
ಸಲ್ಲ ನೈಜ ಪ್ರೀತಿಗೆ , ಮುದ್ದಾದ ನಗು ಸಾಕು
ಒಲವ ದೀಪ ಹೊತ್ತಿಸಲು..

-