ಕಣ್ಣ ಕಾಂತಿಯಲಿ
ಪ್ರೇಮದ ಹಣತೆ ಹಚ್ಚುತ್ತಾನೆ;
ಒಲವ ಕಿನ್ನರ,
ಎನ್ನೆದೆ ಬಾನ ಚಂದಿರ!

-

ಮತ್ತೆ?

ಏನಿಲ್ಲ,
ನಿನ್ನ ಪ್ರೇಮ ಧ್ಯಾನಕ್ಕೆ
ಕೂತವನು ನಾನು;
ಒಲಿದು ಬಾ,
ವರ ಆಗಿ ನೀನು...!

-

ಕಣ್ಣ ಕ್ಯಾಮರದಲ್ಲಿ
ಸೆರೆಯಾದ ನಿನ್ನನ್ನು
ಎದೆಯಲಿಟ್ಟುಕೊಂಡು
ಬಹಳ ದಿನಗಳಾಯ್ತು;
ಕುತೂಹಲದ ಮೂಟೆಯಂತೆ
ಬೆನ್ನಿಗಂಟಿಕೊಂಡಿರು ಸದಾ!

-

ಸಿಟ್ಟಿನ ಮೂಟೆಯಂತೆ;
ಒಡೆದಾಗ ಸೋರಿದ್ದು
ಪ್ರೀತಿ ಸೋನೆ!

-

ಈ ಹೂವಿಗಿಲ್ಲ ಮನ ತಣಿಪ ವಾಸನೆ,
ಮನೋಹರ ಮಳೆ ಬಿಲ್ಲಿನ ಬಣ್ಣ.
ಆದರೂ ನಿನ್ನ ಪಾದದಡಿಗೋ,
ಮುಡಿಗೋ ಸೇರುವ ಹುಕಿ!

-

ಖುಷಿಯಾಗಿದೆ ಏಕೋ ನಿನ್ನಿಂದಲೇ;
ಒಲವ ಕಂಗಳ ನಗುವಿಗೆ
ಮನ ಸೋತಮೇಲೆ
ಗಾವುದ ದೂರವೂ ಸನಿಹ,
ಸೇರುವುದು ನಿನ್ನ ಬಲು ಸುಲಭ!

-

-

ಸಾವಿಗೆ ಸಿಗುವ ಪ್ರೀತಿ
ಬದುಕಿಗೆ ಸಿಗುವುದಿಲ್ಲವಾದರೆ
ಆ ಸಾವೇ ನನ್ನ ಗುರಿ.

-

ಎದೆಯ ಕೂಗು -
ಬಿರಿವ ನೋವು;
ಮೌನ!
ಮರೆತಿದೆ ಮಾತು -
ಸುಡುತಿದೆ ಕಾವು;
ತಂಪನೆರೆದ ಬಿರುಗಾಳಿ!

-

-