Suraj ki pehli kiran jaisi hi to hai hasi tumhari,
jo mere raat bhar k chaye andhero ko mita deti hai,
Halki si garmahat bhi leke aati hai apne saath mere seele hue jazbaaton k liye
.
Laali jo aane se hoti hai aksar usi ko pehne rehta hun apne chehre pe jab tum saath hoti ho,
Chanak jo uske jaane k baad rehh jati hai usi ko saath mai leke chalta hu jab tumse door jaata hun
.
Wo subh k suraj ki pehli aahat jaisi hi to hai tumhari aabha, jo mujhse bahot door hai mai phir bhi usi main khoya rehta hun,
Wo halke kohre se jhankti hui roshni jaisi hi to ho tum jise mai hamesha apne saath chahta hun
.
Uss halki sard subh mai garm chai k jaisa hi hai mere liye tumse baatein karna jiske bina mai rehh nahi pata..
Par uss chai ko rang dene wali patti ki tarah bhi hain kch baatein jo tumse kehh bhi nahi paata..
.
Iss abhi abhi guzri hui raat mai maine phir se wahi khwaab dekha aaj bhi,
Ki kabhi meri bhi raat mai ye subh hogi
aur uss roz tum mere saath hogi...
-