Kaise main kahu tujhse,
Rehna hain tere Dil me..

Jab tum samne hoti ho,
Ek pal ko Dil me guitar ki dhun hoti h,
Phir agle pal shor hi shor hota hain,
Shor ki tum meri ho nahi sakti.
Shor ki tum laakhon me ek ho.
Shor ki main ek alhad paagal hu.
Jo dooba huya hain tumhari aakhon me,
Par jab bhi nazre milti h,
Seham kar tham jata hain Dil.
Jab bhi ye nazre milti hain,
Ye budhu dimag mera shaabd khojne lagta h.
Jab bhi ye nazre milti hain,
Kuch aur yaad hi nahi rehta.

Kaise main kahoon tujhse,
Rehna hain tere Dil me.

Barish Ko dekh jab tum khush Hoti ho,
Ek chote bache ki tarah Khel Rahi Hoti ho,
Tumhari khusi me
Main apni tension bhul jata hoon.
Kal office ka Jo presentation prepare karna h,
Use Kam ahmiyat dene lagta hoon.
Haan, mana bahut raat ho gayi h,
Phir bhi tumhe ghar tak chodna,
Main apna farz Maan leta hoon

Kaise main kahoon tujhse
Rehna hain tere Dil mein.

Jab bhi tumhari hazar photo lene ki liye bolti ho,
Main shauk se sare angles yaad kar leta hoon.
Pata nahi tum kabhi gaur karti bhi ho ya nahi,
Ki kitna deewana sa tumhe dekhta rehta hoon.
Ek pari si dikhti ho tum in tasveero me,
Batao aakhir,
Kaise main kahoon tujhse,
Rehna hain tere Dil me.

-