I wish, I was a guest at my own funeral,
A littile drunk
With a pleasant smile,
Dried roses in one hand,
Smoking cigar in my other,

"Stop shedding tears my fellows
After all its a damn dead body
He is F**king dead now!"

-

ഒരിക്കൽ എന്നിലെ എഴുത്തുകാരനാരേയോ സ്നേഹിക്കുന്നുണ്ടെന്ന രഹസ്യം വരികളറിയാനിടയായി.
അസൂയപൂണ്ട വരികളത് കേട്ടപാതി കേൾക്കാത്തപാതി വാക്കുകളോട് പറഞ്ഞുകൊടുത്തു.
ഇതുകേട്ട വാക്കുകൾ സങ്കടം സഹിക്കാതെ മഷികിണറ്റിൽ ചാടിമരിക്കാനൊരുങ്ങി.
കുറ്റമെത്ര ഏറ്റുപറഞ്ഞിട്ടും അവളാം വാക്കുകൾകെന്തോ എന്നോട് മൗനമായി.
മരണത്തിനവളെ വിട്ടുകൊടുത്തില്ലെങ്കിലും, എന്നോടുള്ള വാശിയിൽ അവളാം വാക്കുകൾ എങ്ങുനിന്നോ വന്ന മറുനാടൻ എഴുത്തുകാരനോടൊപ്പം ഒരു രാത്രി ഒളിച്ചോടി.അവൾ തിരികെവരുമെന്ന പ്രതീക്ഷയിൽ,അവൾക്കെന്നും പ്രിയപ്പെട്ട തൂലികയും കൈയിൽപിടിച്ചൊരുപാട് രാത്രി ഞാൻ കാത്തിരുന്നു.

കാലങ്ങൾക്കുശേഷം, ഇന്നവളെ അവനോടൊപ്പം
കണ്ടു.അവളവനോടൊപ്പം ഒരുപാട് സന്തോഷത്തിലാണ്,മാത്രവുമല്ല അവർക്കൊരുപാട് കവിതകൾ പിറന്നിരിക്കുന്നു.....
ഞാനവളുടെ പ്രിയപ്പെട്ട തൂലിക അവൾക്കു തിരികെ നൽകി ഒരു പുഞ്ചിരിയോടെ അവിടന്നു മടങ്ങി.
അതിനു ശേഷമൊരു കവിതയും എന്നിൽ പിറന്നിട്ടില്ല!
ജീവിതത്തിലിനിയൊരു അക്ഷരതെറ്റിനവസരം കൊടുക്കാതെ, എന്നിലെ എഴുത്തുകാരനെ ഞാൻതന്നെ അന്ന് കുഴിച്ചുമൂടി!

-

ഒരോ എഴുത്തുകാരനും തൻ്റെ വാക്കുകളിലൂടെ വേദനയകറ്റാനാണ് ശ്രമിക്കേണ്ടത്!
വാക്കുകളിലൂടെ വേദനിപ്പിക്കാനല്ല!

-

"യഥാർത്ഥ പ്രണയങ്ങൾ മരിക്കാറുണ്ടോ?"

"പ്രണയത്തിൻ്റെ യാഥാർത്ഥ്യം മറന്ന് പ്രണയിക്കുമ്പോൾ,
യഥാർത്ഥ പ്രണയങ്ങളും മരിക്കാറുണ്ട്."

-

ഒരിക്കൽ എൻ്റെ യാത്രകൾ ഓർമ്മകളെ തേടി ആയിരുന്നു.
ഒരു പാട് ആഴങ്ങളിലേക്കവയെന്നെ
കൂട്ടികൊണ്ട്ച്ചെന്നെങ്കിലും, ഒരു നിമിഷം ഒട്ടും പ്രതീക്ഷിക്കാതെ ശ്വാസം നിലച്ച് ഞാൻ നിശ്ചലനായി നിന്നിരുന്നു.
ഒരു പക്ഷെ ചിന്തകളുടെ കടന്നുകയറ്റം കൊണ്ടോ ഒർമ്മകൾക്ക് എന്നോടുള്ള പ്രതികാരം കൊണ്ടോ ആവാം എന്ന് ഞാൻ സ്വയം എന്നെ പഠിപ്പിച്ചു.
എന്നാൽ ,പിന്നീടുള്ള യാത്രാനുഭവങ്ങൾ എന്നിക്ക് മനസ്സിലാക്കി തന്നത്

" കടന്നുകയറ്റമോ പകയോ അല്ല,
കഴിഞ്ഞ് പോയ ഓർമ്മകൾക്ക് ജീവൻ വെക്കില്ലെന്ന തിരിച്ചറിവായിരുന്നു എന്നെ അന്ന് നിശ്ചലനാക്കിയത്."

-

മരണത്തെ തേടി നമ്മളെന്തിന് പോവണം?
മരണം നമ്മളെ തേടി വരട്ടെ,
അതല്ലെ ഹീറോയിസം?

-

സ്വപ്നങ്ങൾക്കൊപ്പം ജീവിച്ച്,
ഓർമ്മകൾക്കൊപ്പം മരിക്കുക!

-

കാലങ്ങൾ കടന്നുപോവുന്നതും,മാറ്റങ്ങൾ കടന്നുവരുന്നതും വേദനിപ്പിക്കുന്നു.
ഒരു മാറ്റവുമില്ലാതെ ഒരുപാട് കാലം ഒരേ അവസ്ഥയിൽ തന്നെ പെട്ട് കിടക്കുന്നത്,
മുന്നേയുള്ള വേദനകളെ കുത്തി നോവിക്കുന്നു!

-

പ്രതീക്ഷകളുടെ ഭംഗി കൂടുന്നത് ,
പ്രതീക്ഷിച്ചതൊന്നും നടക്കിലെന്ന തിരിച്ചറിവുണ്ടാവുമ്പോഴാണ്.

-

ഞാൻ കണ്ട സ്വപ്നങ്ങളെ കുറിച്ച്,
ദൂരെയുളള്ള നക്ഷത്രങ്ങളോട് ചോദിച്ചാലറിയാം!

-