Tum hoti to
Meri baaju ko Takiya banakar
Ye kavita mere sath padhti

Tum hoti to
Mere Dil ke ghar me
Itni khamoshi na hoti.

Tum hoti to
Mai Tumko apni
Ankhon me utar kar qaid kar leta.

Tum hoti to
Shyad mere Dimag me ye khayal
kabhi na aaya hota.

Tum hoti to, aesa hota
Tum hoti to, kabhi wesa hota

Tum hoti to kesa hota...
(Page 2/2)

-

Tum hoti to kesa hota...

Tum hoti to
Mujhe aaj ka Ehsaas
bilkul na hota

Tum hoti to
Mujhe Din me din
or Raat me raat na dikhti

Tum hoti to,
Mai Khudke liye kam
Tumhare liye Zyada likhta

Tum hoti to
Mai mai na hota
Mai kuch Tumhare jesa hojata

(Page 1/2)

-

Thaki hui, Sheetal si,
Chehre par mand Roshni liye.
Meri karvat me vo dheere se ghuskar,
meri baahein lapet leti hai.

Apni ungliyo se talashne lagti hai mere
adh(अध) soye chehre ki banawat ko.
Jese purani kitab me kaid Gulab me
mohabbat talshta ho koi.

Kabhi mere chehre par alag-alag akriti banakar
khil-khilati hai
Kabhi apni ungliyon me sani(सनी)
purani yaado ka kajal lagati hai

Mere chehre ka Shringar(श्रृंगार) kuch is tarah karti hai,
ki mera chehra purane Rang me bhar jata hai
Or Mujhe Mere aaj ka Aksh(अक्ष) nhi dikhta.

(Page 2/2)

-

*Vo* chali jaati hai,
Kabhi paas to kabhi door
Is alsaaye asmaani raat me khelne.

Bahut pasand hai usko khelna.
Aksar khelte-khelte,
Kaafi der hojaati hai use.

Or mai intazar karta rehta hu,
Chaukhat(चौखट) par aadhi karvat(करवट) lekar.

Jab raat ke andhere me karvate badalna waqt se tez lagne lagta hai,
Or jab sabra(सब्र) apne hath samet(समेट) kar uthne hi wala hota hai
tab jakar kahi aati hai vo.

(Page 1/2)

-

Sote to hai
Par neend kabhi poori nhi hoti

Shayad apne ghar ki neend
hi sachhi hoti.

-

You know,
Human is emotionally vulnerable creature
We want love and care to live
But with life and its policies for living
we harden ourselves from it

Sometimes,
Love hits you in very
Unexpected Unrestful way
Which makes you anxious.

And make things go fast forward
Either you accept it
Or you just want to undo its affect
In both ways its not your decision
Its always be the decision of Time.

Dots which you will connect in future
Will only explain truthness of decision.
You can't see or forcast your future,
Depending on how much anxious
you are feeling right now.

And you can't undo its affect also,
It will be there stay with you as it is.
But with time you will again harden yourself
from love or care you need to live.
Leaving yourself again in state of
Emotionally Vulnerable

-

7 saal pehle ki baat ab purani hogyi
Islea shayd aaj fir Nirbhaya
kisi or ki kahani hogyi

Abhi bhi kuch waqt bacha hai,
Bacha sakte hai aage kabhi kisi ko

Sudhaar la sakte hai khud me hum thoda
Andheri raat me ek diya roshni ka
banke ujala la sake thoda.

Putlo ki tarah khokhli duniya me,
Insaan ban jaye thoda.

(Page 2/2)

-

Aao kuch likhte hai,
Kuch kar na sake pehle,
Islea behan aaj kuch likhte hai.

Kuch criticize karte hai,
Fir un Posts ke Likes ginte hai.

Ek saaf samaj na bana paye,
Islea behan aaj kuch likhte hai.

Ginhone to aksar se hi hote hai,
roj akhbaaro ke page
Jo roj inse hi chhapte hai

Kyuki kuch ho jaane ke baad hi to
Hum apni aankhein kholte hai.

(Page 1/2)

-

Chehre se unke noor tapakta hai,
Baaton se unke sukoon milta hai
Samjh se pare hai unka ye vyavhaar mere

Kabhi khud ke behad paas
to kabhi vo mujhe bahut door samjhta hai.

-

Tumhari khusbhoo jo isme
Lipat kar bas gyi hai
Vo mujhe apnepan ka ehsaas dilati hai

Rakh lunga mai sahej kar
Is silvat ko, apne bistar ke neeche
Sambhal kar.
Agli chhutiyo ke aane tak

(Part 2/2)

-