ಹೇ ಒಲವೇ
ಅವಳೆಂದರೆ
ಮುದ್ದಾದ ಬೆಳದಿಂಗಳ ಚಂದ್ರನೊಡನೆ
ತುಂಟಾಟ ಆಡುವಷ್ಟು ಬಲೂ ತುಂಟಿ..
ಕೋಪಗೊಂಡಾಗ ಇವಳ ಕೆನ್ನೆಯಂತೂ
ಅದೆಷ್ಟು ಕೆಂಪು ಅಂದರೆ ನೋಡಲು
ಕೈಗೆ ಹಚ್ಚಿದಂತಿದೆ ಗೊರಂಟಿ..
ಇವಳಂತೂ ಮಾತನಾಡದೆ ಮೌನವಾದರೆ
ಸಾಕು ಮನಸ್ಸು ಯೋಚಿಸುವುದು ಯಾಕೋ
ಬದುಕೆಲ್ಲ ನಾನಿನ್ನು ಒಂಟಿ...
ಸ್ವಲ್ಪ ನಾಚಿದರು ಸಾಕು ಇವಳ ಸಣ್ಣ ನಗುವಿನ
ಅಲೆಗೆ ನನ್ನ ಹೃದಯವೇ ಕೈ ಜಾರಿ ಹೋಗುವುದಂತೂ
100 ಕ್ಕೆ 100 ಗ್ಯಾರಂಟಿ...

-

ಹೇ ಒಲವೇ..
ಅವಳೆಂದರೆ
ಬಣ್ಣದ ಬಟ್ಟಲಿನೊಳಗೆ ಬಿಡಿಸಿ ಮುಚ್ಚಿಟ್ಟ
ಸುಂದರ ರಂಗೋಲಿ..
ಅದ್ಯಾರೆ ನೋಡಿದರು ಒಂದೇ ಕ್ಷಣದಲ್ಲಿ
ಇಷ್ಟವಾಗುವುದು ಇವಳ ಅಂದದ ಲಾಲಿ..
ಹಲವು ಬಣ್ಣಗಳ ಜೊತೆ ಒಗ್ಗೂಡಿಕೊಂಡರು
ಒಂದೇ ಪರಿಶುದ್ಧ ಮನದ ಪ್ರೀತಿಯಿಂದ
ಸದಾ ನಲಿದಾಡುವ ತಂಗಾಳಿ...

-

ಹೇ ಒಲವೇ..
ಅವಳೆಂದರೆ
ಎಂದು ಬಾಡದ ಮಂದಾರ ಪುಷ್ಪ
ಮುಗಿಲೆತ್ತರದಲ್ಲಿರಲಿ ಪೃಥ್ವಿಯ ತಪ್ಪಲಿನಲ್ಲಿರಲಿ
ಅದರ ಅಂದಕೆ ಯಾರೂ ಸರಿಸಾಟಿಯಿಲ್ಲ
ಅರಳಿದಷ್ಟು ಕಂಗಳ ಅಸ್ವಾಧಿಸುವ
ಅಂಬರವೆ ಮನಸೋತ ಅಪೂರ್ವ ಪುಷ್ಪ...
ದೇವರ ಗುಡಿಯಲ್ಲಿರಲಿ ಯಾರ ಮುಡಿಯಲ್ಲಿರಲಿ
ಅದರ ಪರಿಶುದ್ಧತೆ ಎಷ್ಟು ಚೆಂದವೋ ಹಾಗೆ
ಇವಳ ಮನದ ಪರಿಕಲ್ಪನೆ ಅಷ್ಟು ಚೆಂದ..

-

ಬಡಿದು ಅರಸನಾಗುವ ಬದಲು
ದುಡಿದು ಕಾರ್ಮಿಕನಾಗುವುದೇ
ಒಳಿತು ಮಾನವ...

-

ಹೇ ಇವಳೇ
ನೀ ಒಮ್ಮೆ ನನ್ನ ಪ್ರೀತಿಗೆ ಒಪ್ಪಿಗೆ ಕೊಡು
ಸಾಕು ನಮ್ಮ ಮುಪ್ಪಿನ ವಯಸ್ಸಿನವರೆಗೂ
ನಿನ್ನ ಅಪ್ಪಿ ಕೈ ಹಿಡಿದು ಜೊತೆ ಜೊತೆಯಾಗಿ
ಊರೆಲ್ಲಾ ಸುತ್ತಿಸುವೆ....
ಬೇಗ ಹೇಳೇ... ನನ್ನ ಬಂಗಾರಿ ❤

-

ಹಳ್ಳಿಯ ಉಡುಗೆಯ ತೊಟ್ಟಾಗ
ನೋಡಲು ಇವಳಂತೂ ಬಂಗಾರದ ಗೊಂಬೆ..
ಮಲ್ಲಿಗೆಯ ಮುಡಿದರೆ ಮುಗಿಲೋಳಗೆ
ಬೆರೆತ ಬೆಳ್ಳಿಯ ಮೋಡದಂತೆ..
ಕಾಡಿಗೆಯ ತುಂಬಿಕೊಂಡ ಆ ಮುದ್ದಾದ
ಕಂಗಳಂತೂ ಈ ಸೃಷ್ಟಿಗೆ ದ್ರಿಷ್ಟಿಯಿಟ್ಟ
ಸುಂದರ ದೃಷ್ಟಿ ಬೊಟ್ಟಂತೆ..

-

ಅವಳೊಂತರ...
ಗಾಳಿಯ ಜೊತೆ ಆಟವಾಡುವ
ಸುಂದರ ಗಾಳಿಪಟದಂತೆ
ಎತ್ತರಕ್ಕೆ ಸಾಗಿದಷ್ಟು ಮನದ
ಚಿಂತೆಯೊಂದೆ ಎಲ್ಲಿ ದಾರ ತಪ್ಪಿ
ದಾರಿ ತಪ್ಪಿ ನನ್ನಿಂದ ದೂರ
ಹೋಗುವಳೆನೋ?

-

ದೊಡ್ಡ ಗುರಿಯ ಸಾಧನೆಗೆ
ಪುಟ್ಟ ಹಾದಿಯಲ್ಲಿ ಪಯಣ
ಸಮಯದ ಜೊತೆಗಿನ ಒಡನಾಟ
ಗುರಿಯು ಹತ್ತಿರವಾದಂತೆ ದಾರಿಯು
ದೊಡ್ಡದಾಗುತ್ತಾ ಹೋಗುವುದಂತೆ..

-

ಏಳು ಸಮುದ್ರದಾಚೆ ನಮ್ಮ ಬದುಕು..
ನಾಳೆಯ ಕನಸಿನ ಪಯಣಕ್ಕಾಗಿ
ಇಂದು ದೋಣಿಯೇರಿ ಹೊರಟವರು
ದಡ ಸೇರುವ ವರೆಗೂ ಹಠ ಬಿಡದ
ಕನಸುಗಾರರು..

-

ಜೀವನದಲ್ಲಿ ಸ್ವಲ್ಪ್ ಮುಂದೆ ಹೋಗಿ
ಹಿಂದೆ ತಿರುಗಿ ಕಂಡಾಗ ನಾವು ದೇವರತ್ರ
ಕೇಳ್ತಿವಿ ಅಯ್ಯೋ ಇಷ್ಟೇ ಮುಂದೆ ಹೋಗುವಾಗ
ಮಾಡಿದ್ದ ಆದರೆ ನಾವು ಮೊದಲಿನಕ್ಕಿಂತ
ಸ್ವಲ್ಪ್ ಕೆಳಗೆ ಬಿದ್ದಾಗ ಅಯ್ಯೋ ದೇವರೆ ನನ್ನ
ಕೈ ಬಿಟ್ಯಾ ಅಂತೀವಿ 🙆‍♂️

-