ਉਹਨੂੰ ਵਾਂਗ ਰਾਣੀਆਂ ਰੱਖਦਾਂ
ਮੂੰਹੋਂ ਕਹਿੰਦੀ ਉਹ
ਪਰ ਮੈਨੂੰ ਉਹ ਸਮਝੇ
ਕਿਸੇ ਗ਼ੁਲਾਮ ਜਿਹਾ ll

-

ਬਖ਼ਸ਼ੇ ਨਹੀਂ ਜਾਣੇ ਗੁਨਾਹ,
ਉਸ ਦੀ ਕਚਹਿਰੀ ਅੰਦਰ,
ਦੇਣਾ ਪੈਣਾ ਹਿਸਾਬ ਤੈਨੂੰ,
ਤੇਰੇ ਕੀਤੇ ਹਰ ਗੁਨਾਹ ਦਾ ll

-

ਪਹਿਚਾਣ ਨਾ ਸਕੇ
ਸਾਡੇ ਹਾਸਿਆਂ ਦੇ ਪਿੱਛੇ
ਛੁਪੇ ਦਰਦਾਂ ਨੂੰ
ਉਹ ਲਭਦੇ ਰਹੇ ਰਾਜ਼
ਸਾਡੇ ਖੁਸ਼ ਰਹਿਣ ਦਾ ll

-

ਨਾਲ਼ ਗ਼ਮਾਂ ਦੇ ਭਰੀਆਂ ਅੱਖੀਆਂ,
ਬੁੱਲੀਆਂ ਉੱਤੇ ਹਾਸੇ,
ਸਹਿਬਾਜਪੁਰੀ ਜਿਹੜੇ ਅੰਦਰੋਂ ਟੁੱਟੇ,
ਉਹ ਹੀ ਦੇਣ ਦਿਲਾਸੇ,
ਸਾਨੂੰ ਉਹ ਹੀ ਦੇਣ ਦਿਲਾਸੇ।।

-

"ਜੇ ਗੱਲ ਨਹੀਂ ਕਰਨੀ ਤਾਂ ਨਾ ਕਰੀਂ
ਤੇਰਾ ਹੁੰਗਾਰਾ ਹੀ ਕਾਫ਼ੀ ਆ ਮੇਰੇ ਲਈ"

-

ਲਿਖਣ ਲਈ ਸਿਰਫ਼ ਕਲਮ ਤੇ ਕਾਗਜ਼
ਕਾਫੀ ਨਹੀਂ ਹੁੰਦੇ
ਜਜ਼ਬਾਤਾਂ ਦਾ ਹੋਣਾ ਵੀ ਬਹੁਤ ਜ਼ਰੂਰੀ ਹੁੰਦਾ ll

-

ਪੈਰ ਪੈਰ ਤੇ ਸਾਥ ਹੋਵੇ ਜਦ ਆਪਣਿਆਂ ਦਾ,
ਫ਼ਿਰ ਪੈਂਡੇ ਸਰ ਕਰਨੇ ਸੱਜਣਾ ਔਖੇ ਨਹੀਂ ਹੁੰਦੇ ll

-

ਕਦੇ ਕਦੇ ਮੈਨੂੰ ਐਦਾਂ ਲੱਗਦਾ
ਜਿਵੇਂ ਕਲਮਾਂ ਦੇ ਜਜ਼ਬਾਤ ਹੁੰਦੇ ਨੇ
ਸਹਿਬਾਜਪੁਰੀ ਉਹੀ ਲਿਖ ਦਿੰਦੀਆਂ ਨੇ
ਜਿੱਦਾਂ ਦੇ ਹਾਲਾਤ ਹੁੰਦੇ ਨੇ ll

-

ਜਾਤ ਨਹੀਂ ਕੋਈ ਹੁੰਦੀ,
ਦੋਗਲੇ ਬੰਦਿਆਂ ਦੀ,
ਬਸ ਕੰਮ ਇਹਨਾਂ ਦਾ,
ਅੱਗਾਂ ਲਾਉਣਾ ਹੁੰਦਾ ਆ,
ਟੁੱਟਦੇ ਆ ਤਾਂ ਟੁੱਟ ਜਾਣ,
ਰਿਸ਼ਤੇ ਲੱਖ ਭਾਂਵੇਂ,
ਬਲ਼ਦੀ ਨੂੰ ਇਹਨਾਂ,
ਹੋਰ ਮਘਾਉਣਾ ਹੁੰਦਾ ਆ ll

-

ਤੂੰ ਮੰਦਿਰ,ਮਸਜਿਦ ਜਾਂ ਗੁਰਦੁਆਰੇ ਜਾਕੇ ਭਾਂਵੇਂ ਲੱਖ ਮੁਆਫ਼ੀਆਂ ਮੰਗ ਲਈਂ, ਪਰ ਵਕਤ ਆਉਣ ਤੇ ਤੈਨੂੰ
ਤੇਰੇ ਕੀਤੇ ਗੁਨਾਹਾਂ ਦਾ ਹਿਸਾਬ ਤਾਂ ਦੇਣਾਂ ਪੈਣਾਂ ਆਂ ll

-