Aapki Gou k

-

Good good morning
everyone ❤️

Chalo chalo chalo,
Aaj ke iss nayi subah
ke naye din ki
nayi shuruaat dil mein
ek meetha sa saaz aur
dhadkano mein ek surila raag,
lhonthon pe pyari si
muskurahat liye zindagi
ke iss anmol din ke anmol
palon ko anmol banate hai.

Aapki Gou K.

-

🤲 KISMAT KA RAASTA🤲

Zindagi,har khawab ka mela
nahin hoti har, chahat pe
mohar hoti nahin hai lagti,
Jo hum chahte hai, zaruri
nahin ke mile, milta wahi hai
Jo kismat likh ke laaye silsile.

Har mod pe, ek sawal hota hai,
Aur, har raah ek imtihaan,
Per Allah pak, ki rehmat
pe bharossa rakho, woh har
Waqt behtar hi karenge, bas
Yeh yaad rakhlo.

Manzilein milti hai, per raaste
Humme chunne hote hain,
Sooch samjh Kar kadam, badhaye
Jaate hain, kyunki har thokar ek
Naya sabak sikhati hai, aur har,
Ansoo ke baad, muskurahat aati hai.

Toh, rukna nahi, chahe khawab
Adhure lagte ho, chalte rahna hai,
Kyunki raaste kabhi khatam nahi hote
Zindagi ek safar hai, Allah ke likhe
Alfazon ka, aur har manzil ussi ke
Marzi ke nishaan ka.

Aapki Gou K.

-

Neend mein Aap 😍

Raat ne poccha, kisske khawab
mein Jaana hai, dil, ne kaha, jahan
Meri jaan hai, kyunki wohi toh bas
Mera thikana aur mera jahan hai.

Taaron ne poocha, kiss se
baatien karni hai, aankhon ne
Kaha, jisse dekhte hi dil khush
hota hai, ek apnapan mehsoos
Karta hai uske pass.

Har raat ki Neend mein aap ho,
Har saans mein, ek pal ka jaise
Sukoon ho, aur main, bas har roz
soote hue aapke jazbaat ki
chaddar odh loon, aur aapki
bahoon mein chain se soo sakoon.

Aapki Gou K.

-

Cool cool morning
everyone ❤️

Sagar ki lehron per suraj ki
kirnon ki roshni chamkati hui,
sundar sa nazara bana
rahi hai, aur hawawon mein
taazgi bikhra rahi hai.

Toh chalo, mere pyare doston
hum bhi apni zindagi ke, iss
anmol din ko roshan karte, hue
dil mein naye armaanon ki
taazgi bikhrate hue apne
honthon pe pyari si muskurahat
liye iski shuruaat karte hai.

Aapki Gou K.

-

Good Morning with a
valuable Smile 😊

Friends aaj ki subah ki
shuruaat hum mor se karte Hai.
Subah ka Mor
Suraj ki pehli Kiran jab jhimilaye,
Mor, apne pankh Pasare khush ho jaye.

Oss ki boondien, mitti ki khusboo,
Mor ke naach mein bassi hai
subah ki guftagu, aur unke
pankhon mein rangeen nazaare.

Apne rang birange pankhon
mein sapna sajaye,
Baarish ki boondon mein,
Khushi se naache aur jhum ke
Apni hi awaaz mein gaaye.

Toh chalo, hum bhi apni hi
khushiyon ki dhun mein
jhumte hue honthon pe
pyari si muskurahat
liye apne is anmol din ki
shuruaat karte hai.

Aapki Gou K.

-

Aap yaad aate ho 💕

Kabhi raat ke saaye mein,
jab chand thak ke soo jaata hai,
Mera dil, sirf ek naam leta Hai,
aapka.

Sannata bhi jab sulagta hai, toh
Aapki hassi ki gunj sunai deti hai, aur
Main soochti hoon kaise koi,
itna beintehaa pyar kar sakte hai,
aur kaise koi, itne apne ho sakta hai.

Aapke bina, waqt ruk sa jaata hai,
Har lamha bas aapka intezaar
karta hai, jaise dil ne kissi ek pal,
Mein sirf aapse mohabbat karna,
Seekh liya ho.

Main door hoon, Par dil mein ho aap,
Jaise aasmaan mein chupi koi,
Dua ho aap, ankhon ke aansoo mein
Bhi ek tasalli ho aap, aur meri likhi
Hui har nazm ka matlab ho aap
Meri jaan ho aap ❤️

Aapki Gou K.

-

Happy happy
morning everyone ❤️

Honthon pe muskurahat sajaye dil aur dhadkano mein nayi umangien liye aaj ke din ki shuruaat karte hai.

Aapki Gou K

-

Sweet Sweet morning friends ♥️

Suraj ki roshni
Hawawon mein phoolon.
ki taazgi
Panchiyon ke meethe meethe raag
Rang birangi phoolon ke.
nazare
Aur apni zindagi, dil, dhadkan
aur ek pyari si muskaan
Yahi toh hai hum sab ki asli pehchan.
Toh aaiye phir ek taazi saans dhadkano mein lekar,
ek taaze armanon ke pankh lagakar, aaj ke naye
din ki taraf udaan bharte hue iss anmol din ki shuruaat karte hai.

Aapki Gou K.

-

MAIN AAP MEIN
KHO GAYI HOON💕❤️

Main, aap mein kho gayi hoon,
Jaise, raat kissi khawab mein,
Dhal gayi ho aur hawawon ne,
Koi mehka sa raaz keh diya ho,
Jaise, meri har saans mein aap,
Aa basse ho.

Main, aap mein kho gayi hoon,
Jaise mere alfazon ko aapki,
Awaaz mil gayi ho.
Dil ne jaise aapko pyar ka paighaam
Bhej diya ho, jaise har tanha lamha,
Ab sirf aapki baatien karta ho.

Na koi din ka hissab hai ab,
Na raat ka intezaar, bas aap ho aur
Ek khamosh ishq ka izhaar,
Main aap mein kho gayi hoon aur
Khud ko paa liya hai.

Aapki Gou K.

-