નાનપણથી વાલી ની માર ખાતો
માર ખાઈને ચૂપ રહેતો. કારણ કે, એ પુરુષ છે
બધા ના મેણા-ટોણા સાંભળી લે, એકલતા માં રડી લે,
પરંતુ બધા સામે હસતો રહે. કારણ કે, એ પુરુષ છે
પિતાની છત્ર છાયા માં રહીને, ખુશી થી જીવી લે
જ્યારે પિતાનો પડછાયો દૂર થઈ જાય,
ત્યારે બધો ભાર પોતે ઉઠાવી લે. કારણ કે, એ પુરુષ છે
નાનપણમાં જવાબદારી શુ એ સમજણ ન હતી
જવાનીમા જ માથે જવાબદારી ઉઠાવી લે. કારણ કે, એ પુરુષ છે.
પોતાના શોખ ને દફન કરી દે, અને પરિપક્વ બની...
પરિવાર ની ખુશીઓ માટે જીવવા લાગે, કારણ કે. એ પુરુષ છે.
નોકરી, ધંધો, મજૂરી, કે હોઈ અન્ય કોઈ કામ
પરિવારના ગુજરાન માટે કરે સઘળી મેહનત. કારણ કે, એ પુરુષ છે.
કમાવવા જાય જો રોજ ઘર થી દૂર
મન માં તો પરિવાર ને લઇ ચિંતિત જ હોઈ. કારણ કે, એ પુરુષ છે.
ઘરના લોકોને પણ મનપસંદ વસ્તુ જોઈતી હોય
થોડી આવક હોવા છતાં, સપના એમના કરે પુરા. કારણ કે, એ પુરુષ છે.
થોડી આવક માં મહિનો પસાર કરવો
કઇ રીતે સંચાલન કરવું, એ વાત ને લઈને...
ચિંતિત હમેશા રહે. કારણ કે, એ પુરુષ છે.
દિવસ તો આખો કામ માં પસાર થઈ જાય
ભવિષ્ય ને લઇ રાત આખી ઊંઘે નહિ, કારણ કે, એ પુરુષ છે.
પોતાના ખરાબ સમયે કોઈ એને મદદગાર ન થાય
પોતે દરેક સમયે બધાને મદદગાર રહે, કારણ કે, એ પુરુષ છે.
અત્યારના સમયમાં લોકો ગરજ પ્રમાણે નાતો રાખે
આ વાત પોતાને સારી રીતે સમજાઈ જાય
પણ પોતાને કોઈ સમજવા તૈયાર નથી, કારણ કે, એ પુરુષ છે.
-