மனம் முழுவதும்
அவள் நினைவுகள்;
சொட்டு நீர் பாசனமாய்,
என் கண்ணீர்.

-

பிரிவுக் கனலின் வெம்மையில்
நம் காதல்;
பட்ட மரமாகிய பிறகும்,
உன் நினைவு
புன்னகைத் துளிராக
உயிர் பெறுகிறது.

-

கடுகாய்
உலகின்
கண்களுக்குப்
புலப்பட்டாலும்;

கடலில்
அமிழ்ந்திருக்கும்
இமயம் இவனென,



உற்சாகப்படுத்தும் ஒவ்வொரு பெற்றோரும்,
"பேரன்பின் பெரும்
அடையாளம்."

-

பேரன்பின் அடையாளம் என்பது, வாளினால் என்னை வெட்டிடும் உன் கைகளுக்கு, மயிலிறகின் ஸ்பரிசம் தருவது.

-

நினைவுகளில்
உணர்வுகளைச்
சுமந்திருத்தல்.

-

கனவுகளும், காதலும்;
கண்ணீரும் இன்றி
ஒரு நாளாவது வாழ்ந்திட.

-

பேரிரைச்சலும்
பெரு நிசப்தமும்
ஒன்றே;
இதயம்
உடையும்
ஓசை.

-

காட்டுத் தீயின்
கோர நாக்குகளாய்;
போலிப் பாசம்
இதயத்தைச் சுட்டெரித்து
தான் விடுகிறது.

-

என்ன செய்து
தொலைவது
இந்த நினைவுகளை;

அனல் காற்றாய்,
உடலைச்
சுட்டெரித்தாலும்

வியர்வை
குளிர்வித்தலாய்

உயிரை கசகசக்க
வைத்து விடுகிறது.

-

வாழ்த்துவதிலும்
வாழ்ந்து விடுவதிலும்
வேறென்ன இருந்து
விடப் போகிறது;
வாழ்வின் மீது
நான் கொண்ட
நம்பிக்கையையும்,
உன் மீது எனக்குள்ள
பெரு நேசத்தையும்
தவிர.

-