ఊహా లోకం నడి మధ్యన
స్వప్నాలన్ని సుగంధాలై
విరబూసినప్పుడు..
కనులముందు మెరిసింది
' నా కలల ప్రపంచం '

-

మొత్తం డొల్లే...
కానీ ఎందుకో తెలియట్లేదు
' ఈ డాబు '

-

ఎప్పుడూ కూడా
సామర్ధ్యం గల వాడు పడిన కష్టాలే
నేడు మన బ్రతుకు పాఠాలు..
నడుచు బాటలు..

-

మన పరిచయాలు, బంధాలు
శాంతి స్థానంలా ఉండాల్సినవి
మనలో మానసిక ఉల్లాసాన్ని
దూరం చేస్తున్నాయి.
ఎందుకనో అవి
మనల్ని ఒంటరిని చేస్తున్నాయి..

-

-

నేను ఎలా ఉండాలో
అందరి మాట వినే మారా..
కానీ....
నాతో ఎలా ఉండాలో
ఇప్పుడు ఆ అందరికే తెలియట్లేదు.

-

ఎప్పుడూ గుర్తు పెట్టుకో..
ఆర్థిక పరిస్థితుల ఒడిదుడుకులప్పుడు
ఆలోచనల్లో మార్పులు రావాలి కానీ
గుణం,వ్యక్తిత్వల్లో ఎటువంటి
వ్యత్యాసం ఉండకూడదు.

-

సూర్యోదయ
సూర్యాస్తమయాల మధ్య కాలమంతా
నిమిషం తీరిక లేకుండా
ఖర్చవుతూనే ఉంది కానీ..
'నాకు రవ్వంతైనా విలువ చేకూర్చట్లేదు.'

-

కానీ నేనలా కాదు
" రవిబింబం "నా నైజం.

-

నీ రాక ఓ తార మెరుపు నాకు.
పగల్లల్లా ఉండే వెలుగుమాదిరి కాదు.

-