ಮನದ ಮಾತು ಊಹಿಸಿ, ಹೇಳೆಂದರೆ ಹೇಗೇ?
ಅತಿಯಾಸೆಯೇನಿಲ್ಲ.
ನನ್ನ ಕಣ್ಣನೊಮ್ಮೆ, ನೋಡಿ, ಓದು ಸಾಕು.
ನಿನ್ನ ಸ್ವಗತಗಳ ದೀಪೋತ್ಸವ
ಸಾಲಾಗಿವೆ.

-

ಅಳು ಬರುವ ಸಂಜೆಯಲಿ
ಏಕಾಂತವ ಇಳಿಸಿಬಿಡು.
ಮಿಡಿತ, ಬಡಿತದ ವ್ಯಾಖ್ಯಾನ ಬೇಡ.
ಕಣ್ಸನ್ನೆಯ ವಿನಿಮಯದಲಿ
ನಗುವಾಗಲಿ. ಸುಂದರ ಶೀರ್ಷಿಕೆ.

-

ಕನಿಷ್ಠ ಕರೆಯೊಂದನ್ನು ಮಾಡು.
ಉಸಿರಿಲ್ಲದೇ ಉಲಿವ,
ನಿನ್ನ ಕರೆಯ ರಿಂಗಣದಲ್ಲಿ,
ಒಂದಿಷ್ಟು ಸಾಂತ್ವನ
ಹುಡುಕುವೆ.

-

ಕಣ್ಸನ್ನೆಗೆ..ಸೋತು,
ಕಾಲ್ಬೆರಳು ವಿಳಾಸ ಗೀಚಿದರೂ,
ತುಟಿಯಲ್ಲಿ, ಬಾಂಬೇ ಮಿಠಾಯಿ ಸಿಹಿ,
ಜಿನುಗಿದರೆ,
ಕಾಯಬೇಕಿಲ್ಲ, ಯಾವುದೇ ಹಾಡಿಗೆ.

Gayathri⚘kano

-

ಹಾಳು ಪ್ರೀತಿಯದೇನು ತಪ್ಪಿಲ್ಲ.
ನೋವಿನೆದೆ ಬಿಸಿ ಕೊಡವಾಗಿದೆ.
ಪ್ರತಿ ಉಸಿರೂ,ಹಬೆಯಾಡುತಿದೆ ಅಷ್ಟೇ.

-

ಅಸಹಾಯಕನೆನಿಸದಿರು ನನ್ನ ಮುಂದೆ.
ನನ್ನ ಕನವರಿಕೆಗಳಲ್ಲಿ, ನಿನ್ನದೇ ಪ್ರಪಂಚ.
ನೀ ಕೋಪಿಸಿದರೂ, ನಿನ್ನ ವಿರಹದ ನಿಲ್ದಾಣದೆಡೆಗೇ
ನನ್ನ ಪಯಣ.

-

ಪ್ರೀತಿ ಕದ್ದವರ ಹುಡುಕುತ್ತಿರುವರು
ಒಲವೇ.,
ನಿಶ್ಯಬ್ಧವಾಗಿರು ನನ್ನೆದೆಯಲ್ಲಿ.
ಕಣ್ಣಬೆಳಕಾಗಿ ಇಣುಕದಿರು.

-

ಹೆರಳ ಹೂವಾಗಿ?
ನೀ ಸಿಕ್ಕರೂ, ಸಿಗದಿದ್ದರೂ,
ನನ್ನ ಪ್ರೇಮಕ್ಕೆಂದೂ
ವಯಸ್ಸಾಗದಿರಲಿ.
ತಮಾಷೆಗೆ ಕೈ ಚಾಚಿದರೂ..,

-

ಮನದ ಬಾಗಿಲಿಗೆ ಲಿಖಿತ ಸೂಚನೆಯ
ಬೋರ್ಡ್ ನೇತು ಹಾಕಿ,
ಬೀಗ ಜಡಿದಿದ್ದರೂ,
ಗತಿಸಿದ ಘಟನೆಗಳು
ಕೀಲಿಕೈಯನು..ಒಸಕ್ಕನೆ ಕಸಿದದ್ದು,
ನೂರಾರು ಬಾರಿ.

-

ನೋವು ಗಾಢವಾಗಿ ಕಾಡಿದ್ದದಕ್ಕೆ.
ಪ್ರೀತಿ ಸುಂದರವಾದರೂ,
ತಪ್ಪಾದ ಜಾಗದಲ್ಲಿ ಡೇರೆ ಹಾಕಿದ್ದಕ್ಕೆ.

-