Ye kal ke aae manchale
Had kamaal karte hai ,
Masroof deewano se
Ishq pe sawaal karte hai,

Wo samjhe hi nahi hai abhi
Junun, ishq aur maryada kya hai
Fizool hi maykhano me
Baithkar bawaal karte hai.

-

Kitna khaamosh sukun hai
Aj in tezz hawaon me
.
.
.
Jaise dimaag ne dil se azaadi li ho.

-

Ye dar, deewar ye ghar
Ab apna nahi lagta
.
.
.
Lagta hai ...sara jahaan apna
Per kuch apna nahi lagta.

-

Kai khandahar chhaan liye
Na mohh bacha hai , na
Ahankar
.
.
.
Kuch yaade sambhali gayi hai
Kuch waade bachae gaye hai.

-

Wo mohabbat ka daur hi
Kuch aur hota hoga...
Jab virasat me
.
.
.
logo ko Adhure ishq ki badnami tauhfe Me mila karti thi.

-

Kitni berozgaar ho gayi hai
Kuch purani khidkiyaan
.
.
.
Kai mohabbatein jinke
Bharose mukammal hua karti thi.

-

Mil jata hai jaise sukun
Rooh se ishq ko... tu mera
Wo manzar ban ja
.
.
.
Mai sadiyo se hu safar me
Meri manzil ka iik tu ghar banja.

-

Tajurbekaar ho gaya hu mai
Achhe...khaase jhuth bolne me
.
.
.
Mai "theek hu" kahta hu...
aur Mera ghar khilkhila uthta hai.

-

Shabdo ki kami si hone lagi
Hai aaj kal
.
.
.
Bhid bhi to kam hai dil ke
Bazaar me ab.

-

Shayaro ki Bagawati basti
me ek nayi chingari aani thi
.
.
.
Mai naye daur ka shayar hu
Ek inquilab ki ab meri bari thi.

-