Tu Yaad tha,
Tu Yaad hai,
Tu Yaad hi rahega....
Tu kal bhe tha,
Tu ab bhe hai,
Aur mere baad bhi rahega...
Kal tu paas tha,
Aaj door hai,
Par mera 'Khaas' hi rahega...
Tu dil ke 'Paas' hi rahega...

-

Pehle tha...
Ab nahi hai...

-

Ye jo tu mere sath Bewafayi karta hai...
Khuda har bat ki Gawahi rakhta hai...

-

Jesa kahoge wesi ban jaungi...
Tere har rang mein dhal jaungi...
Ese dil na tod door na jaa...
Ek baar zara fir paas to aa...
Bas dekh meri aankhon mein ...
Aur mere dil ko samajh ja...
Apne dimaag ki sunkar...
Dil ko jhoothi kahaniya na suna...
Samajh mujhe firse, ek baar paas to aa...
Ese dil na tod, door na jaa...

-

Tum mujhe bahot yaad ate ho....
Kabhi jaagte huye, to kabhi sone ke baad aate ho...

-

Kya tujhe zara bhe ehsaas hai...
Ki tu door to hai tu mujhse par aaj bhe mere paas hai...
Meri is choti si duniya mein tere diye dhoke ki aaj bhe "khataas" hai...
Nahi yaad hai mujhko tu, par jese aaj bhe tu mujhe acchi tarah yaad hai...
Kya tujhe zara bhe ehsaas hai...
Tune hi kaha tha na hamesha sath dunga...
Par dekh na, tu to sath nahi par tere "Jhoote" vaade aaj bhe saath hain...
Kya tujhe in sab baaton ka zara bhe ehsaas hai...
Tu nahi chahiye ab mujhe, bas tujhe ehsaas to ho, Ik yahi "Aas" hai...
Kya tujhe zara bhe ehsaas hai...

-

Zaroori hai ek "Zakhm" bhi...
"Khuda" se milne ke vaaste...

-

Tum mere hokar reh bhe to sakte the...
Todkar jane ki zarurat hi kya the,
Har baat mujhse keh bhe to sakte the...
Main badalti khudko tumhare har rang mein,
Aur kuch kamiyan tum meri seh bhe to sakte the...
Muh modkar jane ki zarurat hi kya the,
Jab ishq mein tum mere beh bhe to sakte the...
Han, tum mere hokar reh bhe to sakte the...

-

Usool banane hain to banao maaf kar dene ke ...
Na ki apnon ko life se saaf kar dene ke ...

-

Ek darr ajkal fir sata raha hai...
Kya is baar bhe main kisi ko nahi bata paungi...
Kya firse main usi zindagi mein pahunch jaungi...
Jahan main fir nahi jee paungi...
Ro-rokar din kaatungi aur raaton ko apna dushman bataungi...
Kya main firse usi mod pe pahuch jaungi...
Aur maan lo galti se main fir usi narak mein pahuch bhe gayi...
To kya is bar bhe wahan se wapis aa paungi....

-