ಕಣ್ರೆಪ್ಪೆಗಳ ಬೆಂಗಾವಲಿಗೆ
ಕಂಗಾಲಾಗಿ ಕಳೆದುಹೋಗಿದೆ..

ಕೈಬೆರಳುಗಳ ಸೂಚನೆಗೆ
ಮರುಳಾಗಿ ಮಂಕಾಗಿ ಕೂತೆ..

ತದೇಕ ಚಿತ್ತದ ಸೌಂದರ್ಯಕ್ಕೆ
ಬೆಂದು ಬೆರಗಾಗಿ ಮನಸೋತೆ!

-

ಆ ಮುಂಗುರುಳ ಛಾಯೆ
ನಿನ್ನ ಕಣ್ಗಳ ಕಾಂತಿಯನು
ಇಮ್ಮಡಿಗೊಳಿಸಿದೆ...

ತನುವಲ್ಲಿನ ಪ್ರೇಮರಾಗ
ಗುನುಗುತ್ತಲೇ ತೇಲಾಡಿ
ನನ್ನ ಹೃದಯ ಮುಟ್ಟಿದೆ...

ತುಸು ನಾಚಿಕೆಯ ಸಂಕೇತ
ಸಂತೋಷಕ್ಕೆ ಪಾರವೀಲ್ಲದೆ
ಮನದೊಳಗೇ ಮುಸಿನಕ್ಕಿದೆ...

-

ಅಬಾಬಿ


ತರ್ಕವಿಲ್ಲದ ಚರ್ಚೆ..
ಅರ್ಹತೆಯಿಲ್ಲದ ಸಹಭಾಗಿತ್ವ
ಸಮರ್ತವಿಲ್ಲದ ಅಭಿಪ್ರಾಯ..
ಲಕ್ಕಿ..
ಮಾಡಿದರೆ ಮೂರ್ಛೆಹೊದಂತೆಯೇ..!

-

ಮಾತಿನಲ್ಲಿ ಹೇಳಲಾರದ್ದನ್ನು
ಮೌನದಲ್ಲೇ ಹೇಳಿದೆನು...

ಲೇಖನಿಯಲ್ಲಿ ಬರೆಯಲಾರದ್ದನ್ನು
ಮೊಬೈಲ್ ಕೀಪ್ಯಾಡಲ್ಲಿ ಬರೆದೆನು...!

-

ತಮ್ಮ ಗೌರವಕ್ಕೆ ಬರುವ ದಕ್ಕೆ
ಮಾನಸಿಕ ಖಿನ್ನತೆಗೆ ಒಳಪಡಿಸುವ ಸಾಧನ!

-

ಅಬಾಬಿಗಳು:

1.
ಸ್ವಾರಸ್ಯವಿಲ್ಲದ ಹಾಸ್ಯ ಮಾಡಿದರೇನು
ರಾಗ ತಾಳಗಳಿಲ್ಲದ ಹಾಡು ಹಾಡಿದರೇನು
ಮಾತೃಪಿತ್ರರ ಗೌರವಿಸದ ಮಕ್ಕಳಿದ್ದರೇನು
ಲಕ್ಕಿ!
ಅರ್ಥವೇ ಇಲ್ಲದ ಬದುಕ ಬದುಕಿದರೇನು ಫಲ?

2.
ಗಿಡನೆಟ್ಟು ಮರಗಳ ಬೆಳಸಿ
ಜೀವ ಸಂಕುಲಕ್ಕೆ ಆಧ್ಯತೆ ನೀಡಿ
ಇರುವುದೊಂದೇ ಭೂಮಿ
ಲಕ್ಕಿ!
ಮುಂದಿನ ಪೀಳಿಗೆಗೆ ಅಡಿಪಾಯವ ಹಾಕೋಣ!

-

ಹೈಕು

ಅಮ್ಮನ ಮಗು
ಪ್ರೀತಿಯ ಸವಿಯಲು
ಅಪ್ಪುಗೆಯೇ ವರ!

-

ಹದ್ದು
ಸರಿಹದ್ದನ್ನು ಮೀರದೆ
ವ್ಯಕ್ತಿತ್ವದಲಿ ಮಿಂದು ಜೀವಿಸಬೇಕಿದೆ...

-

ವಸಂತದ ನೂತನ ವರುಷ
ತರಲಿ ನಿಮ್ಮೆಲ್ಲರ ಬಾಳಲ್ಲಿ ಹರುಷ..

ಶ್ರೀವಿಶ್ವಾವಸು ಸಂವತ್ಸರ
ಇರಲಿ ನೂರಾರು ಕನಸುಗಳ ಸಡಗರ..

ಬೇವು ಬೆಲ್ಲವ ಹಂಚುತ್ತಾ
ಮಾವನ್ನು ಮೆಲ್ಲನೆ ಸವಿಯುತ್ತಾ..

ಹೊಸ ವರ್ಷವನ್ನು ಆಚರಿಸೋಣ
ಯುಗಾದಿ ಹಬ್ಬದ ಹಾರ್ಧಿಕ ಶುಭಾಶಯಗಳು

-

ಅಂಧಕಾರ ತುಂಬಿದ ಕಣ್ಣಿಗೆ ಕಾಣದ ಇರುಳು
ಕಂಡರೂ ಕಾಣದಂತಿರುವ ಅರಳು ಮರುಳು..!

-