ଜନ୍ମ ଦିନ ର ଶୁଭେଚ୍ଛା ସାଥୀ..

ନୂତନ ବର୍ଷର ପ୍ରଥମ ଦିନରେ
ପଞ୍ଚମୀ ର ଏହି ପୁଣ୍ୟ ତିଥିରେ
ବିଦ୍ୟା ଦାତ୍ରୀ ଠାରୁ ଆଶିଷ ଘେନି
ହସୁଥାଆ ଏଇମିତି
ହସୁଥାଆ ଏଇମିତି....
ଜନ୍ମ ଦିନ ର ଶୁଭେଚ୍ଛା ସାଥୀ
ଜନ୍ମ ଦିନ ର ଶୁଭେଚ୍ଛା ସାଥୀ....

-

ଡିସେମ୍ବର ଓ ଜାନୁଆରୀ
...
ଡିସେମ୍ବର,
ଭଉଣୀ ତାର
ଜାନୁଆରୀ, ରଖିଛି ସେ କଳା ଅବିକଳ..
ଭଉଣୀ ର ଅବସାନେ
ମଣିଷ ଯେ,
କଲା ଶୋର ଶବଦ
ରକ୍ତ ପରା,
ସହିବ ସେ ଏତେ ଅପବାଦ?..
ମଉନ ରେ କାନ୍ଦି ବୁଲେ,
ଏ ଗଳି ରୁ ସେ ଗଳି କୁ
ଭଉଣୀ କୁ ଖୋଜିବୁଲେ..
ଶୀତୁଆ ସକାଳେ,
ମଣିଷ, ତା ପାଉଅଛି ସ୍ପଷ୍ଟ ପ୍ରମାଣ
ଶୀତ ସାଥେ କୁହୁଡି,
ନେଇ ଆସିଅଛି ଜାନୁଆରୀ,
ଭାଙ୍ଗିବାକୁ ମଣିଷ ର ଗର୍ବ ଅକାରଣ
ଗର୍ବ ଅକାରଣ....

-

ଗରମ ଗରମ ମାଛ ଭଜା କୁ
ଦହି ପଖାଳ, ବୋଉ ଯେବେ ବାଢ଼ି ଦିଏ,
ବୋଉ ହାତ ରନ୍ଧା ଆହା ସେ ଖାଇବା
ଦି ଗୁଣ ସୁଆଦ ହୁଏ ।।
ବଡ଼ି ଚୁରା ଆଉ କୋଶଳା ଶାଗ ର ମଜା
ଫାଳ ପିଆଜ ପୁଣି କଖାରୁ ଫୁଲ ଭଜା।
ଏସବୁ ର ସଂଗେ ଖାଇବୁ ଯେବେ ଦହି ପଖାଳ
ବାବୁ ରେ, ପୁଣି ଖାଇବାକୁ ଉତ୍କଳେ କରିବୁ ଘର
ପଖାଳ ଓ ଓଡ଼ିଆ
ଏ ଦୁହିଙ୍କ ଯୋଡ଼ି କେଡେ ବଢିଆ
ବିତିଯିବ କାଳ କାଳ।
ହେଲେ ମୁଁ ଓଡ଼ିଆ, ଛାଡ଼ିବି ନାହିଁ ପଖାଳ।।

-

....ହେଇ ଦେଖ
ରାତି ଧୀରେ ଧୀରେ
ବିସ୍ତାରେ କାୟା
ଭୂଲ୍ କରିଥିଲେ ପତି,
ଯେମନ୍ତ ଜାୟା🤣
ଛାଡ଼..
ସହରର ଯେତେ ଆଲୋକ ମାଳା
ସ୍ଵାଗତ ପାଇଁ କି କରିବେ ହେଳା??
ଚାଲ ବୁଲିଯିବା ସାରା ସହର
ବୁଲି କି ଆସିବା କେତେ ମହଲ
କିଣି ଆଣିଦେବି ତୁମ ପସନ୍ଦ ଫୁଲ🌹
ତାହା ପାଇଁ କିନ୍ତୁ ଲାଗିବ ମୂଲ...😆

-

ଏ ଯୁଗର ମଣିଷ କୁ
ପ୍ରଶ୍ନ କରେ ପାରାବାର,
ଦେଖିଛୁ କି ପର୍ବତ କୁ
କେବେ କେବେ କାନ୍ଦିବାର?
ଆରେ,
କାନ୍ଦିବା ଟା ତାର ଚିର ସହଚର
ତୋତେ କିବା ଅଗୋଚର ।
ଏତେ ବଡ଼ ଜୀବ ଟେ ସେ
ତାର ପରା ବିଶାଳ ହୃଦୟ,
ସବୁବେଳେ
ଥିବ କି ସେ ଥୟ ।
ମଣିଷ ଠୁ ଲୁଚିବାକୁ
ନାନା ଫିକର ସେ ଫାନ୍ଦେ,
ଆଦେଖା ରେ ଅବେଳା ରେ
ଗୁମୁରି ଗୁମୁରି ସେ କାନ୍ଦେ ।
ସେଥିପାଇଁ ପରା
ଲବଣାକ୍ତ ମୋର ପାଣି,
ଧିକ ତୁ ମାନବ ଜାତି
ଏ କଥା କି
ପାରିଲୁନି ଜାଣି.....

-

........ଶୀତୁଆ ପାଗ ରେ
ନିଶୁଆ ଜେଜ
ସଅଳ ସଅଳ ଧରଇ ଶେଯ ।।
ସରି ଯାଉଥାଏ ଦୀର୍ଘ ଯାମିନୀ,
ସକାଳୁ ସକାଳୁ
ବୁଡ଼ ଯେ ପକାଏ ଗ୍ରାମ କାମିନୀ ।।
ଅନ୍ଧାର ବିନାଶେ ଆସଇ ରବି,
କୁହୁଡି କୁହୁକେ
ଦିଶୁ ନାହିଁ ତାର
ସୁନ୍ଦର ଛବି ।।
ଗାଈ ଗୋଠ ହେଲେ
ବସା ସମୀପ,
ମଙ୍ଗଳ ଆଶା ରେ
ଜନନୀ ଜଳାଏ ଆକାଶ ଦୀପ .....(କ୍ରମଶଃ)

-

ଏଥର ବି ଜହ୍ନ କୁ ଦେଖିଲେ ଖିଆଲି ମନ ସମ୍ଭାଳି ହୁଏନା..
ବିଜ୍ଞାନ ସମ୍ମତ କେତେକ କାରଣ ଭାବନା କେବେ ବି ବୁଝେନା.....

ଦୂର ଦେଶରୁ ଆସିଛି ଜହ୍ନ..
ନାହାନ୍ତି ବୋଲି କେହି ତା ପାଶେ
ଋଷିଛି ତାର ମନ.....
ତାରକା ମେଳେ ଉଚ୍ଛନ୍ନ ମନ
ମିଳଇ ପୂର୍ଣ୍ଣ ଆଭା..
ନଥିଲେ କେହି ପାସେ ଯେ ତାର
କମିଯାଏ ଯେ ଶୋଭା…..
ସେଇଥି ପାଇଁ କମଇ ତାର
ପୂର୍ଣ୍ଣ ବର୍ଦ୍ଧିତ ରୂପ
ମାସ ମଝିରେ ମିଳେନା
ତାର ଚିହ୍ନ ବର୍ଣ୍ଣ କି ସ୍ୱରୂପ..

-

ଦରିଆ ନିକଟେ
ଦେଖ ଦୃଶ୍ୟ ବିଚିତ୍ର
ଜଳଧି ଜଳର
ସୁନୀଳ ଚିତ୍ର
କିଏ କୁହେ ?
ମିଶେନା ପୃଥ୍ବୀ, ଆକାଶ
ବାରେ ଦେଖ ଥରେ
ଦରିଆ ସେପଟ ଦୃଶ୍ୟ
ତା ଦେଖି ପରା
ସ୍ତବ୍ଧ ବାଦଲ
ଲାଗେ ଭୂଲିଛନ୍ତି
ଜଳ ସଂଗ୍ରହ ମୂଲ.... କ୍ରମଶଃ

-

......ନାଉରିଆ କୁ
ଯେ ପଚାରେ ପାରାବର
ଦେଇନାହିଁ କିରେ
ମୋ ବକ୍ଷେ କରିବାକୁ କାରବାର ..
ନାଉରିଆ ନିରୁତ୍ତର,
ସତେ ଅବା ମୁକ କି ବଧିର..
ସେହି ଦିନୁଁ ଶାନ୍ତ ଦିଶେ ପାରାବର
ଉପରକୁ ସିନା ମାରେ ସେ ଫୁକାର..
କୁହେ ନାଉରିଆ
ତାର ଏ ସ୍ଵଭାବ ଲାଗେ ନୂଆ ନୂଆ..
କଟାକ୍ଷ ତାରେ ବାଧିଛି ନିଶ୍ଚୟ
ସେଥିପାଇଁ ବେଳେ ବେଳେ
କରୁଛି ବିଲୟ...

-

ଆଉ ଏକ କଥା କହିବି
ହେ ସାଙ୍ଗ
ମନ ଦେଇ ଥରେ ଶୁଣ,
କଳ୍ପନା ସହରେ ଲେଖିଛି
ମୁଁ କିଛି ଅଲୌକିକତାର ଗୁଣ........
...
ଇନ୍ଦୁ ଆଉ ସିନ୍ଧୁ
କାଳେ ସଙ୍ଗାତ
ଖେଳନ୍ତି ଏପରି
ଯେପରି ମିତ..
ନିକଟେ ଆସିଲେ
,ଏକ, ହୁଏ ଉଜ୍ଜଳ
ଆରେକ ତା ପାଖେ
କରେ ଯେ ଗୋଳ..
ଘନିଷ୍ଠ ମିତ୍ର ସମ
ଦୂରରୁ ଦିଶନ୍ତି
ସୁନ୍ଦର ଅନୁପମ ..
ବଉଦ ସାଥେ ଇନ୍ଦୁ
ଖେଳେ ସେ ଲୁଚକାଳି
ତା ଦେଖି ହସେ, ସିନ୍ଧୁ,
ସୁନ୍ଦରୀ ସୁକୁମାରୀ..
ଦେଖି ପାରନ୍ତି
ଏ ଦୃଶ୍ୟ କେତେକ
ଦେଖିବା ପାଇଁକି
ଲାଗେ ଦୃଷ୍ଟି ଅନେକ ।।

-