केसांना मोकळे सोडा
मनाला मोकळे सोडा
कुणाला तरी यायचं असतं
तुमचं सौंदर्य वाढवायला

-

कपड्याची परीट घडी
मोडता येते
नात्याची आवीट गोडी
मोडता येत नाही

-

तरंगावरून नाही कळत
डोहाचा तळ
विचारावरून नाही कळत
मनाचा खेळ

-

कुठे शोधिशी मनाला
कुठे शोधिशी शरीराला
जे आवाक्यात नाही
ते सापडेल कसें

-

सगळ्याच चेहऱ्यांची
ब्लु प्रिंट कुठे काढता येते
काही चेहरे पाहून
आपली ब्लु प्रिंट होते

-

त्यांच्या ग्रंथामध्ये
आम्ही केवळ संदर्भ
सगळ्या अर्थाला
कुठे असतो संदर्भ

-

खूप दाटून आलेलं
आभाळ कधी
कधीच बरसतं
तुझ्या आठवणी सारखं

-

प्रेमातल्या कहाण्या
काही दर्दभऱ्या
काही काही
सुखावणाऱ्या

-

त्यांचे न येणे
आम्हाला सतावते
त्यांचे येणे ही
आम्हाला सतावते

-

समुद्रातल्या लाटा
आणि तुझ्या केसातल्या बटा
क्षणिक जरी येती
आसमंत दणाणून सोडती

-