-୩-
ମହାନଦୀ ବକ୍ଷେ ହୀରାକୁଦ ବନ୍ଧ, ବାରବାଟୀ ଷ୍ଟାଡିୟମ,
କ୍ଷେପଣାସ୍ତ୍ର ଘାଟି ଧାମରା ଚାନ୍ଦିପୁର ଉନ୍ନତି ପଥେ ବିଜ୍ଞାନ।
ଲୁହାପଥରର ଉତ୍ପାଦନ କ୍ଷେତ୍ରେ ସବୁଠୁ ଅଟେ ଅଗ୍ରଣୀ,
ବକ୍ସାଇଟ୍, ମାଙ୍ଗାନିଜ୍, କ୍ରୋମାଇଟ୍, ତମ୍ବା ରହିଛି ଅନେକ ଖଣି।
ପଣା ସଂକ୍ରାନ୍ତିରେ ବର୍ଷାରମ୍ଭ ହୁଏ, ଅକ୍ଷୀତୃତୀୟା ରେ ମୁଠି,
ରଜପରବରେ ଦୋଳି,ତାସ୍,ପାନ ଖୁସି ଲହରୀ ସବୁଠି।
ଶୀତଳଷଷ୍ଠୀରେ ଶିବ ବିଭାଘର, ହୋଲି ଯେ ରଙ୍ଗର ଖେଳ,
ଭାଇଭଉଣୀଙ୍କ ସ୍ନେହର ପ୍ରତୀକ ରକ୍ଷାବନ୍ଧନ ଆମ୍ଭର।
ବୟୋଜ୍ୟେଷ୍ଠଙ୍କର ଆଶୀର୍ବାଦ ନେଇ 'ନୂଆଖାଇ' ହୁଏ ପାଳନ,
ପୁଷପୁନି ଘରେ ପିଠାପଣା ମିଠା ଆନନ୍ଦ ଉଲ୍ଲାସ ମନ।
ଭକ୍ତ ଭଗବାନ ମିଳନର ପର୍ବ ଆଷାଢ଼ର ରଥଯାତ୍ରା,
ସ୍ମୃତି ଭାସିଆସେ କାର୍ତ୍ତିକ ପୂର୍ଣ୍ଣିମା କଟକର ବାଲିଯାତ୍ରା।
ଅଶିଣ ଆସିଲେ ପୂଜାର ଆସର ମା' ଦୂର୍ଗା ହୁଅନ୍ତି ଉଭା,
ମା'କାଳୀ ଅର୍ଚ୍ଚନା ଶୁଭ ଦୀପାବଳୀ, ପ୍ରଦୀପ ବଢ଼ାଏ ଶୋଭା।
ରୂପା ତାରକସି, ପିପିଲି ଚାନ୍ଦୁଆ, ସମ୍ବଲପୁରୀ ବାନ୍ଧ ଶାଢ଼ୀ,
ପାରଳାଖେମୁଣ୍ଡି ଶିଙ୍ଗକାମ ପୁଣି, ପଟ୍ଟଚିତ୍ର କାରିଗରୀ।
ପିତ୍ତଳ ମୂରତୀ, ପଥର ବାସନ, ଆଦିମ ଶଉରା ଚିତ୍ର,
ମାଣବସା ଝୋଟି, ପଞ୍ଚକ ମୁରୂଜ ଗର୍ବ ଗଉରବ ମୋର।
ନିଅଣ୍ଟ ମୋ ଶବ୍ଦ ବର୍ଣ୍ଣନା ପାଇଁକି, ଅସରନ୍ତି ତା' କାହାଣୀ,
ଭକ୍ତି, ସମର୍ପଣ କରହେ ଗ୍ରହଣ 'ବନ୍ଦେ ଉତ୍କଳ ଜନନୀ'।

-

-୨-
ଜୟୀ ରାଜଗୁରୁ, ବକ୍ସି ଜଗବନ୍ଧୁ ପାଇକ ପୁଅ ସଂଗ୍ରାମ,
ବାଜି ରାଉତ ଓ ବୀର ବିର୍ସାମୁଣ୍ଡା ଦେଶ ପାଇଁ ଦେଲେ ପ୍ରାଣ।
ଓଡ଼ିଶୀ,ମାହାରୀ, ଗୋଟିପୁଅ,ଛଉ ଘୁମୁରା ଓ ଦଣ୍ଡନାଟ,
ରାବଣ ଛାୟା ଯେ ମୋଗଲ ତାମସା ରାଜ୍ୟକୁ କରିଛି ଶ୍ରେଷ୍ଠ।
ସପ୍ତମ ଆଶ୍ଚର୍ଯ୍ୟ କୋଣାର୍କ ମନ୍ଦିର, ପୁରୀ ଜଗନ୍ନାଥ ଧାମ,
ମା' ସମଲେଶ୍ଵରୀ, ପ୍ରଭୁ ଲିଙ୍ଗରାଜ ପଦରେ ଶତ ପ୍ରଣାମ।
ମା'ତାରାତାରିଣୀ, ବଳଦେବଜୀଉ, କଣ୍ଟିଲୋ ନୀଳମାଧବ,
ନୃସିଂହନାଥ ଓ ହରିଶଙ୍କର ଯେ ଏ ମାଟିର ପୂଜ୍ୟ ଦେବ।
ଧଉଳି ସ୍ତୁପର ବୁଦ୍ଧ ପ୍ରତିମୂର୍ତ୍ତି ଗାଏ ବୌଦ୍ଧ ଧର୍ମ ଗୀତି,
ଲଳିତଗିରି ଓ ଖଣ୍ଡଗିରି ଦେହେ ଲିଖିତ ଜୈନ ସଂସ୍କୃତି।
ଇସଲାମ୍ ର ବାର୍ତ୍ତା କହେ କଟକର ସାହି କିଲ୍ଲା ମସଜିଦ,
ସେଣ୍ଟ ଭିନସେଣ୍ଟ ଚର୍ଚ୍ଚରେ ପ୍ରାର୍ଥନା ହୁଏ ଯୀଶୁ ଖ୍ରୀଷ୍ଟଙ୍କର।
ନନ୍ଦନକାନନ, ଭିତରକନିକା, ଶିମିଳିପାଳ ଅରଣ୍ୟ,
ଜୈବ ବିବିଧତା, ରଖିଅଛି କରି ପରିବେଶ ତାରତମ୍ୟ।
ଚିଲିକା ବିହଙ୍ଗ, ଗହୀରମଥାରେ କଇଁଛଙ୍କ ଅଣ୍ଡାଦାନ,
ଟିକରପଡ଼ାରେ କୁମ୍ଭୀର ପ୍ରଜାତି କରନ୍ତି ବଂଶ ବିଧାନ।
ଫାଇଲିନ୍,ଫନି ଦାନା, ମହାବାତ୍ୟା ପ୍ରାକୃତିକ ଦୁର୍ବିପାକ,
ସବୁ ସହି ପୁଣି ଛିଡ଼ା ସେ ହୋଇଛି ତା' ଅଣ୍ଟା କରି ସଳଖ।

-

-୧-
ଦେଓମାଳି ଚୂଳ, ଗୋଦାବରୀ କୂଳ ଆଙ୍କେ ଯା'ର ମାନଚିତ୍ର,
ଚିତ୍ରିତ ଯା' ତନୁ ପଶ୍ଚିମବଙ୍ଗରୁ ଆସୀମାନ୍ଧ୍ର ବ୍ୟାପ୍ତ କ୍ଷେତ୍ର।
ଯା' କେଶ ପଖାଳେ ସୁବର୍ଣ୍ଣରେଖାର ସୁନେଲି ବର୍ଣ୍ଣର ନୀର,
ଋଷିକୂଲ୍ୟା ନଦୀ ତା' ଚରଣ ଧୁଏ ବନ୍ଦନା ଗାଇ ମଧୁର।
କିର୍ତ୍ତୀ କିରଟିନୀ ବୀର ପ୍ରସବିନୀ ଦିଗନ୍ତ ବିସ୍ତାରି କାୟା,
କଳିଙ୍ଗ, ଉତ୍କଳ ଓଡ୍ର ଓ କୋଶଳ ଓଡ଼ିଶା ତାହାରି ନାଆଁ।
ଚଣ୍ଡାଶୋକ ହେଲେ ଧର୍ମାଶୋକ ଜାଣ ଯୁଦ୍ଧ ବିଭୀଷିକା ଦେଖି,
ହୃଦେ ପ୍ରକାଶିଲା ପରମ ଅହିଂସା ଦୟାନଦୀ ମୁକସାକ୍ଷୀ।
ରାଜା ଖାରବେଳ ଚର୍ତୁଦ୍ଦିଗ ଜୟ, ହର୍ଷବର୍ଦ୍ଧନଙ୍କ ଗାଥା,
ଗଙ୍ଗବଂଶୀ ନୃପ, ଗଜପତି ଦର୍ପ ମୋ ଇତିହାସେ ସାଇତା।
ଶ୍ରୀ ଚୈତନ୍ୟ ଦେବ ପ୍ରଚାର କରିଲେ ବୈଷ୍ଣବ ଧର୍ମ ମହିମା,
ଜୟଦେବ କୃତ ଗୀତଗୋବିନ୍ଦର ଜଗତେ ନାହିଁ ଉପମା।
ପଞ୍ଚ ସଖା ଗଣ ଭକ୍ତି ରସ ଦେଇ ରଚିଗଲେ କେତେ କାବ୍ୟ,
କବି ଗଙ୍ଗାଧର, ଉପେନ୍ଦ୍ର ଭଞ୍ଜ ଙ୍କ ଛନ୍ଦ ଅଳଙ୍କାର ଭବ୍ୟ।
ଫକୀରମୋହନ, ରାଧାନାଥ ରାୟ ଓଡ଼ିଆ ଭାଷା ବଞ୍ଚାଇ,
ରେବତୀ, ଲଛମା ଉଷା, ଦରବାର, ସୃଷ୍ଟି ତାଙ୍କ କାଳଜୟୀ।
ସ୍ୱତନ୍ତ୍ର ଓଡ଼ିଶା ଶ୍ରେୟ ମଧୁବାବୁ, ହରେକୃଷ୍ଣ ମହତାବ।
ଧନ୍ୟ ଗୋପବନ୍ଧୁ, ରୋଗୀସେବା ଆଉ ବଢାଇ ଭାଷା ବିଭବ।

-

❤️ I am that type of introvert person,
who becomes over extrovert
only infront of him.❤️

-

Expectations and Satisfactions are indirectly proportional to each other.
How much you lower your expectations from others,
your Self Satisfaction increases.

-

The goodness of a woman is decided
on the basis of adjustments and sacrifices she can given !

-

ଆକାଶର ନୀଳତା ଆଉ ସମୁଦ୍ରର ନୀଳତ୍ୱ ଭିତରେ ତଫାତ୍ କ'ଣ?
କାହାର ଗାଢତା ଅଧିକ କେବେ‌ କଳନା କରିଛ?
ଜଣେ‌ ଉଚ୍ଚରୁ‌ ଉଚ୍ଚତମ, ଜଣେ ଗଭୀର ରୁ ଗଭୀରତର।
ପରସ୍ପର ଠୁ ସମ୍ପୂର୍ଣ୍ଣ ବିପରୀତ ହୋଇବି‌
ଏହି ନୀଳ ହିଁ ଆକର୍ଷିତ କରେ ଉଭୟଙ୍କୁ।

-

ତୁମେ ମୋ ଜୀବନର ସେ ଅଦ୍ଭୁତ ପ୍ରହେଳିକା
ଯେତେ ମନ‌ ଦେଇ ସମାଧାନ କଲେ ବି
ଶେଷ ବେଳକୁ ପୁଣି ଅବୁଝା ହେଇଯାଅ।

-

ନାନା ପ୍ରସାଧନ ସାମଗ୍ରୀ ଆବରଣ କଲେ ମଧ୍ୟ
ଯେପରି ବୟସର ଛାପ ଲୁଚାଇ ହୁଏନା,
ଉପରେ ଯେତେ ହସିଲେ ବି ମନର କଷ୍ଟ
ବୁଝିଲା ଲୋକ ଆଖିକୁ ଜଳ ଜଳ ଦିଶେ।
ଅବଶ୍ୟ କେ ବୁଝିବାକୁ ଚେଷ୍ଟା କରୁଛି କି ନାହିଁ
ସେ ପର ର କଥା।

-

ସାଙ୍ଗ ସାଥି କେତେ ଗଣିଲେ ସରେନା
ଜନ୍ମଦିନ ମନେ ରଖିଥାଅ,
କାହା ବାହାଘର ନିର୍ବନ୍ଧ କାହାର
ଶୁଭକାମନା ଜଣାଇଦିଅ।
ହସ ଖେଳୁଥାଏ ମୁଖରେ ସର୍ବଦା
ବୋହୁଥାଏ କଥା ନଦୀ,
ଅପର‌ ଦୁଃଖରେ‌ ମନ ଯା'ର କାନ୍ଦେ
ନାହିଁ କେହି ପ୍ରତିଦ୍ୱନ୍ଦୀ।
ସମାଜ ସେବାରେ ଢାଳିଅଛ ପ୍ରାଣ
ସାହାଯ୍ୟରେ ଅଦ୍ୱିତୀୟ,
ଭଲପାଇବା ଯେ ଅନନ୍ତ ଅସୀମ
ତ୍ୟାଗ ତୁମ ପରିଚୟ।
ଛାତ୍ର ଛାତ୍ରୀ ଙ୍କ ର ପ୍ରେରଣାର ଉତ୍ସ
ସହକର୍ମୀଙ୍କର ମାନ,
'ଆଦର୍ଶ ଯୁବ ପରିଷଦ' ରେ ମିଶି
କରିଛ ମହତ କାମ।
ସୁଖ ଶାନ୍ତି ସ୍ୱପ୍ନ ହେଉ ପରିପୂର୍ଣ୍ଣ
ନୀରୋଗ ହେଉ ଶରୀର,
ପ୍ରେମ ପ୍ରୀତି ଫଗୁ ବିଚ୍ଛୁରିତ ହୋଇ
ଜୀବନ ହେଉ ସୁନ୍ଦର।

-