மஞ்சள் பூசிய வானின்
வசீகரம் எனை ஈர்க்கிறது;
புதிரான என் மனம்
புன்னகை பூக்கிறது;
வண்ணத்து பூச்சிகளின்
வண்ணங்களை சற்று
கடன் வாங்கி - மேல் நோக்கி
தெளித்து மெல்லிய உடல்
மெய்சிலிர்க்க ஆசை தான்,
ஆசை மட்டும் தான்..!

-

அவள் பார்வைப்படும்
சுகம் போதும் இவனுக்கு
சொர்கத்தை உணர்ந்திட,
அவள் கைரேகைகள் போதும்
இவன் தன் துயரங்களை
புதைத்திட,
அவள் கடந்த போதும்
நிழல் போதும் அவன்
நிஜமென வாழ்ந்திட,
எங்கும் எதிலும் அவள்
பிம்பம் போதும் இவனுக்கு;
வாழ்நாள் முழுதும் வாகை
சூடி வெற்றிக்குதூகலமிட!

-

பெண்ணே,
போலியான மனிதர்கள்,
போலியான உருவங்கள்,
போலியான அடையாளங்கள்,
கொண்டு உன்னை போலியாக்க ;
முடிந்தால் காலியாக்க துடிக்கும்
மனித பதர்கள் இவர்கள்,
கலங்காதே - காலம் கை
கொடுக்கும் - காற்றில் ஏற்றி
அழகு பார்க்கும் - உன்னை நீ
நம்பு போதும்!

-

உள்ளுக்குள் பிறக்கும் உணர்வுக்கு
அவன் பெயர் வைக்கும் முன்னே - பெயர் வைத்த சமூகம்,
காயங்கள் தந்து,
கனவுகளை உடைத்து
சிறகுகளை பிடுங்கி எறிந்தது;
காலமே பதிலாய் - வா!
காத்திருக்கும் இரு நெஞ்சங்களுக்கு,
அவள் அறிந்த எதுவும்
அவன் அறியாதது,
அவன் அறிந்த எதுவும்
அவள் அறியாதது!🦋

-

அறியா வயதில்
புரியா குழப்பத்தில்
உடைந்து வீழ்கையில்
கண்ணீர் துடைத்து
துயரம் கலைத்திட
போதும் உறவுகள்
இப்படி ஒரு உறவுகள்!
வாழ்க்கை அழகாகும்🦋

-

சொல்லிவிடுங்கள்
சொல்லாத சொல்லின்
காலம் அதிகம் தான்
ஆனால் காயமும் அதிகம்
தானே மறவாதீர்கள்✨️

-

அவன் விரல்கள் பிடிக்கும்
பேனாவாய் பிறக்கும்
வரம் வேண்டி நிற்கிறேன்,
மறுஜென்மம் வேண்டும்
அதற்காகவேணும் - எனக்கும்
என்னில் இருக்கும் உனக்கும்❣️
🦋(நா. முத்துக்குமார் )

(My✨️love) குரு🙏

-

காதோரம் கதை பேசு,
இதழோரம் முத்தம் குடி,
என்னில் உன்னை துலைத்திடு,
உன்னில் என்னை புதைத்திடு,
கண்களோடு களவாடு,
கைகள் பிசைந்து உறவாடு,
காதலே - என் ஆசை கள்வனே;
நமக்குள் நாம் கலந்து
காதல், காமம் தாண்டி
தேடிப் பார்ப்போம் வா!🌈

-

அழுத்தங்கள் யாவையும்
அழுத்தித்தள்ளிட,
எனக்கென்று நான்
ஒதுக்கிக் கொள்ளும்
நேரம் = தேநீர்+புத்தகம்.

-

இவள் ஒரு தொடர்கதை
என்றார்கள் - எங்கும் நில்லா
விண்மீன் என்றார்கள் - எதிலும்
வீழாத வானவில் என்றார்கள் -
எதற்கும் கலங்காத காதல் கடல்
என்றார்கள் - எல்லாம் நீங்களே
சொல்லிவிட்டீர்கள் இனி நான்
என்ன சொல்ல,ஆம்
நான் அப்படித்தான்;
தீரா பொய் புன்னகையோடு!

-