शिक्षक म्हणजे एकच बागेत विभिन्न रूप आणि रंगाचे फुल सजवणाऱ्या माळ्याप्रमाणे असतो.शिक्षक म्हणजे ज्ञानाचा उगम आणि अखंड वाहणारा झरा.शिक्षक म्हणजे निष्ठा आणि कर्तव्य.शिक्षक म्हणजे निस्सीम श्रद्धा आणि भक्ती...शिक्षक म्हणजे विश्वास आणि वात्सल्य.हिऱ्या प्रमाणे पैलू पाडतो तो शिक्षक जीवन जगण्याचा मार्ग दाखवतो तो गुरु.आपल्या आयुष्यात अनेक जण येतात काही आयुष्यभराचे सोबती असतात तर काहीजण काही क्षणांचे.पण प्रत्येकजण जाता जाता नवीन काही तरी शिकवून जातो छोटासा का होईना अनुभव देऊन जातो.म्हणून अनुभव हा आपला शिक्षक आहे आयुष्यात येणारी प्रत्येक व्यक्ती आपला शिक्षक आहे.आई वडील हे सुद्धा आपले शिक्षक आहेत जे आपल्याला जग दाखवतात.आई आपल्याला प्रेम करायला शिकवते आणि वडील जगायचं कस हे शिकवतात.भाऊ जगाकडे कोणत्या दृष्टीनें पाहायचं हे शिकवतो.मित्र संकटाना हसत हसत कस सामोर जायचं हे शिकवतात.आणि आपले शिक्षक आपले गुरु या सर्व नात्यांचे मोल समजावतात.आयुष्यात येणारा प्रत्येक क्षण काही तरी देऊन जातो शिकवुन जातो.येणाऱ्या संकटाने खचून जाऊ नये कारण खचून जाणे रडत बसने हा त्यावर चा मार्गच नसतो.तर त्या परिस्तिथीतुन काही तरी शिकावं कारण परिस्तिथी माणसाला खूप काही शिकवते घडवते...
-