এটি অনুভৱ আৱেগৰ
****************************
আৱেগেৰে ভৰা তোমাৰ মুখ খনিত
বিছাৰি পাওঁ অব্যক্ত ভাৱনা,
মৰম আকুলেৰে ভৰা হৃদয়খনিত
বিছাৰি পাওঁ ব্যাকুলতা।
তোমাৰ সেই লাজকুৰীয়া চাৱনিত
কঁপি উঠে মোৰ বুকু,
মৌ-মিঠা মাতষাৰ শুনিবলৈ
ম‌ই হৈ পৰো আকুল।
চৌপাশে তুমি তুমি লগা ভাৱবোৰে
মোক সুঁৱৰাই ৰাখে
ম‌ই তোমাৰ আজন্ম প্ৰেমিকা।
জীপাল কৰি ৰাখে সদায় মোক
সুঁৱৰনীৰ সেই দলিচাখনত
উজাগৰে পাৰ কৰি দিওঁ
তুমি নামৰ সেই আৱেগবোৰত।
তোমাৰ নামতেই আৰম্ভ
তোমাৰ নামতেই সমাপ্ত,
তোমাৰ মৰমৰ নৈখনত
ম‌ই হৈ পৰো বিচলিত।❤️

-

নতুনত্বৰ আৱৰণ সানিও কেতিয়াবা কেতিয়াবা কিছুমান ব্যক্তিয়ে আমাৰ হৃদয়ত আপোনতাৰ পলস সিঁচি থৈ যায়। বিশ্বাস,মৰম, ভালপোৱা, শ্ৰদ্ধাৰ এখনি হাত আগবঢ়াই যায়। সেই হাতখনৰ যোগেদি আমাক দি যায় নতুন অথচ পুৰণি-পুৰণি যেন লগা এটি মধুৰ সম্পৰ্ক।

ভালে থাকক সেই সম্পৰ্কবোৰ, ভালে থাকক আপোন মানুহবোৰ।

-

মৰমবোৰক মৰম হিচাপে গ্ৰহন কৰিবা, কাৰোবাৰ দুৰ্বলতা বুলি ভাবি নহয়।

-

হাঁহি থকা মানেইটো সুখী হোৱা নহয়। হাঁহিৰ ভিতৰত সোমাই থকা সেই উচ্চ স্বৰৰ হৃদয়ৰ উচুপনিবোৰৰ উমান জানো কোনোবাই বুজি পায়? সেই হাঁহিৰে ভৰা মুখ খনিৰ অন্তৰালত সোমাই থকা সেই উদাস চেহেৰাটো জানো কোনোবাই বুজিব চেষ্টা কৰে! ভগ্ন হৃদয়ৰ টোকোৰাবোৰৰ কান্দোনে কাৰোবাক কিমান কষ্ট দিয়ে, সেইয়া কিমানজনে অনুভৱ কৰে!
তথাপিও আমি সকলোৱে সুখী থকাৰ অভিনয় কৰিব লাগে। কিয় ? কাৰণ আমি পৃথিৱীখনৰ আগত নিজক ইমান দুৰ্বল বুলি দেখুৱাব নোৱাৰো।
স্বাৰ্থপৰ পৃথিৱীখনত সকলোৱেটো সুযোগে বিচাৰে কষ্ট দিবলৈ।😢💔

-

মানুহৰ জন্মগত কিছুমান লক্ষণ থাকে; তাক আপুনি, ম‌ই বা ভগবানেও সলনি কৰিব নোৱাৰে। সকলোৰে নিজা কিছু স্বাভিমান, ব্যক্তিত্ব থাকে।
ম‌ানৱ জীৱনত সেইজনহে আত্মীয় হʼব পাৰে, যিজনে আপোনাৰ স্বাভিমান, ব্যক্তিত্ব আৰু মানসিকতা ভালকৈ বুজিব পাৰে। আপুনি যেনেকুৱা আপোনাক তেনেদৰেই গ্ৰহণ কৰিব পাৰে।
নিজৰ অহংকাৰ অথবা সময়ৰ পাকচক্ৰত পৰি আপোনজনক কেতিয়াও আঁতৰি যাবলৈ বাধ্য নকৰাব। কাৰণ বহু কষ্টৰ ফলতহে মনে মিলা মানুহ এজন/এজনী পোৱা যায়। এবাৰ ভাৱি চাইছানে, পৃথিৱীত ইমানবোৰ মানুহ থকাৰ পাছতো ভগৱানে সেইজনৰ/সেইজনীৰ লগতেই আপোনাক কিয় চিনাকী কৰাই দিছে!!!!!!
আপোনজনক সদায় কাষত ৰাখক, তেওঁক বুজিবলৈ চেষ্টা কৰক। আমাৰ জীৱনটোনো‌ আৰু কিমান দিনীয়া?? সকলোৱে টো এদিন এই সংসাৰ ত্যাগ কৰিব‌ই লাগিব।

-

অভিমানেৰে নহয়,
হেঁপাহেৰে মৰমবোৰ বুঁটলিবলৈ চোৱা;
খঙৰ মাজতো অসংখ্য মৰম বিছাৰি পাবা।
অনুভূতি বোৰ বুজিবলৈ চেষ্টা কৰিবা,
কিমান যে লুকাই থাকে তাত অলেখ বেদনা।
তোমাৰ দৃষ্টিৰে নহয়,
এবাৰ তেওঁৰ দৃষ্টিৰে নিজক চোৱা;
বুজিব পাৰিবা তেতিয়া তোমালৈ থকা মৰমৰ পৰিসীমা।

-

অকলশৰেই ভাল।
না কিবা পোৱাৰ আশা,
না কিবা হেৰুৱাৰ বেদনা !!

-

আৱেগৰ নৈত উটি-ভাঁহি নিজৰ বিবেকটোক হত্যা নকৰিব,
কষ্ট নিজৰেই হʼব।

নোপোৱাৰ যান্ত্ৰণাই বাৰে বাৰে পথভ্ৰষ্ট কৰিব,
সঠিক পথত পথিকৃৎ হৈ থিতাপি ল‌ওঁক নিজৰ অভীষ্ট স্থানত।

-

এনাজৰী
****************
মৰম, বিশ্বাস, শ্ৰদ্ধাৰে
আৰম্ভ হোৱা এটি সম্পৰ্ক,
হিয়াৰ নিভাঁজ কোণত
সাঁচি ৰাখিছো সযতনে।
যʼত মৰমৰ কোনো অপৰিপূৰ্ণতা নাই
নাই কোনো তেজৰ সম্পৰ্ক;
আছে মাথোঁ তিনিখন হৃদয়।
যিয়ে সংযোগ ঘটি পৰিপূৰ্ণতা পাইছে
এখনি বিশাল সাগৰৰ বুকু।
হয়,
ম‌ই অৱগত কৰিব খোজা তিনিখন হৃদয়
ম‌ই, পূৱালী বা আৰু কাব্যশ্ৰী বা।
একেটি কোঠাতে আৱদ্ধ হোৱা এটি সৰু পৰিয়াল।
চন্দ্ৰমাৰ পোহৰত জিলিকি উঠা
উজ্জ্বল নক্ষত্ৰৰ দৰে আমাৰ আদৰবোৰ।
নতুন পৰিচয়ত প্ৰাণ পাই উঠা
বহুদিনৰ চিনাকী যেন লগা এটি সম্বন্ধ।
স্মৃতিৰ দলিচাত চিৰদিন এনেদৰেই থাকে যেন
তিনিখন হৃদয় এখনি হৈ। ❤️

-

হৃদয়খন যেতিয়া মোৰে হয়,
সেইখন ভাঙি টুকুৰা-টুকুৰ কৰিলেও
সজ্জিত কৰি লম আগৰ দৰেই।🥀

-