Suna hai ki wo khush nahi hain,
humse bewafaai karke..

Wafaadaari aur kismat ki isse badi sehmati kya hogi..

Aur suna hai ki naya aashiq uska,
shaayar nahi hai..
Suna hai ki naya aashiq uska,
shaayar nahi hai..

Abb isse badi husn ki beizzati kya hogi !!!

-

Mera gussa, mera paagalpan, meri junooniyat, ki fikr nahi mujhe..

Hum to iss toote dil ki aah se darte hain..

Mera gussa, mera paagalpan, meri junooniyat, ki fikr nahi mujhe..

Hum to iss toote dil ki aah se darte hain..

Tujhe, to mera sabr maarega..

Bad'dua to buzdil diya karte hain..

-

Badnaamon aur beimaanon ka,
naam bante dekha hai..
Humne paison se,
logon ka kaam bante dekha hai..

Badnaamon aur beimaanon ka,
naam bante dekha hai..
Humne paison se,
logon ka kaam bante dekha hai..

Arre kuch aisi hai kashish,
iss naamuraad rupyon ki..

Ki humne rajaaon ko bhi iska,
ghulaam bante dekha hai..

-

Teri mohabbat ki giraftaari se, zamaanat nahi lete..
Hum kisi aur ki amaanat nahi lete..

Teri mohabbat ki giraftaari se, zamaanat nahi lete..
Hum kisi aur ki amaanat nahi lete..

Wo naraaz hain, ki humne binn puchhe, unke haathon ko kyun chhua..

Wo naraaz hain, ki humne binn puchhe, unke haathon ko kyun chhua..

Wo kya hai ki hum zindagi se, zindagi jeene ki, ijaazat nahi lete.. !!

-

Unse izhaar-e-mohabbat to kardiya hai humne..
Abb jo hoga, dekha jayega..


Unse izhaar-e-mohabbat to kardiya hai humne..
Abb jo hoga, dekha jayega..


Jaan, to hamari jaayegi beshaqq..
Arre jaan, to hamari jaayegi beshaqq..


Khushi se ya ghamm mein, ye to abb waqt hi batayega..

-

Tere mehfil se beizzat hokar, nikale ja rahe the..
Ki ittefaaqan ek nazar, tera deedar hogaya..
The jis maut ke muuh se nikal kar aaye..
Dil usi maut ka abb talabgaar hogaya..

Hai shor uthi abb chaaron taraf..
Ki ek patthar dil ko pyaar hogaya..
Hain duur duur se log dekhne aa rahe..
Ki kaisa ye chamatkaar hogaya..

Ek dard uthi seene mein aur, main chit khane chaar hogaya..
Dekhne walo ne to samjha, banda duniya se paar hogaya..
Teri ruswaayi ka khayaal aa gaya, warna hum bhi sach keh dete..
Hum par to ae duniya walon, unki nazron ka waar hogaya..

Mera katal kiya teri adaaon ne..
Fir kaise main gunehgaar hogaya..
Na arzi, na daleelein, na waqaalat hui..
Aur teri ulfat mein dil giraftaar hogaya..

Hain jism k mere harr ang salaamat..
Bass dil bechara laachaar hogaya..
Tha banda main bhi bahut kaam ka..
Abb aadmi bekaar hogaya..

-

Karke tijaarat khushiyon ki,
Beshumaar aansu kamaaoge...

Kisi aur ki khaatir jeete jeete,
Zinda laash bann kar reh jaaoge...

Mohabbat ke izhaar mein bhi,
Farebi ki aahat ho sakti hai...

Nazrein padh sakte ho, to sunn paaoge,
Warna khel ko mohabbat samajh ke, karte jaaoge...

-

Baaro maas chhaayi rehti thi kaali ghanghor ghataayein,
Uski kaali ghani zulfon ne kuch,
yun mausam banaaye rakha tha...

Mohabbat ki mohlik aandhi mein,
ek ummeed ka diya humne bhi jalaaye rakha tha...

Aaj muddaton baad dekha aaina maine,
to wo bhi taana kassne lagi:

"Kahan gayi wo do aakhein,
jinhe meri sautan banaaye rakha tha ??!! "

-

Hai laazmi aaj kal tera,
Harr waqt chidchida sa rehna..

Hai laazmi aaj kal tera,
Harr waqt chidchida sa rehna..
.
.
.
.
.
Main bhi khudse aaj kal, kuch khaas khush nahi !!!

-

Dusron ke ehsaanon ke muntazir,
nahi hai parwaaz meri..
Aasmaan ko bhi chhua hai,
to apne damm pe uda hu..

Dusron ke ehsaanon ke muntazir,
nahi hai parwaaz meri..
Aasmaan ko bhi chhua hai,
to apne damm pe uda hu..

Sachchai, Imaandaari, Khuddaari,
yehi sab suna hai na mere baare mein ??!!

Aapko kamm bataya ja raha hai.....



Main.....bahut zyada bura hu..

-